បាល់ទាត់អន្តរជាតិ
Dybala ជ្រើសរើសកីឡាករ 2 រូប ដោយម្នាក់ជា Idol របស់ខ្លួន និងម្នាក់ទៀតជាកីឡាករល្អបំផុតលើលោក
តារាបាល់ទាត់អាហ្សង់ទីន Paulo Dybala បានជ្រើសរើស Lionel Messi ថាជាកីឡាករលេខមួយក្នុងពិភពលោក ហើយជ្រើសរើសយកវីរបុរសរបស់ប្រេស៊ីល Ronaldinho ជា idol របស់ខ្លួន។ ថ្លែងនៅលើ CazeTV Official អំពីខ្សែប្រយុទ្ធពីររូបដែលល្អបំផុត គាត់បាននិយាយថា “Ronaldinho គឺជា idol របស់ខ្ញុំ ប៉ុន្តែ Messi គឺលេខមួយ”។
ជាការពិតណាស់ ពេលនេះ Messi ត្រូវបានគេចាត់ទុកជាកីឡាករដ៏អស្ចារ្យបំផុតក្នុងប្រវត្តិសាស្ត្រទៅហើយ ដោយគាត់បានជួយក្រុមជម្រើសជាតិអាហ្សង់ទីនឲ្យឈ្នះ World Cup ជាលើកទីបីក្នុងប្រវត្តិសាស្ត្រ កាលពីចុងឆ្នាំមុន ខណៈដែលគាត់រកបានគ្រាប់បាល់ 7 គ្រាប់ និងបញ្ជូនបាល់ឲ្យមិត្តរួមក្រុមបាន 3 ដង។
Lionel Messi ធ្លាប់បាននិយាយថា គាត់មិនចង់ឈ្នះពានអ្វីទៀតទេ សូម្បីតែពាន Ballon d’Or ឆ្នាំនេះក៏ដោយ ព្រោះគាត់បានឈ្នះ World Cup នេះជាពានរង្វាន់ដែលគាត់ចង់បានបំផុត និងជាពានចុងក្រោយដែលអស្ចារ្យបំផុតសម្រាប់អាជីពបាល់ទាត់របស់ខ្លួន។ ដោយឡែក Ronaldinho ក៏ជាកីឡាករដ៏ពេញលេញម្នាក់ផងដែរ ក្នុងពិភពបាល់ទាត់ ដោយគាត់ធ្លាប់បានឈ្នះពានគ្រប់យ៉ាង រួមទាំង World Cup ជាមួយប្រេស៊ីល, UCL ជាមួយ Barcelona និងបានឈ្នះ Ballon d’Or ក្នុងឆ្នាំ 2005 ម្ដងផងដែរ។
ប្រភព: Dailypost NG
ចែករំលែកក្ដីស្រលាញ់ តាមរយៈការប្រកួតបាល់ទាត់សប្បុរសធម៌ អង្គការផ្កាយសមុទ្រ ២០២៥
Amorim ថាមិនបារម្ភអំពីអនាគតរបស់ខ្លួននៅ Man U ឡើយ
Liverpool បិទគណនីអ្នកទិញសំបុត្រជាង 14ម៉ឺនគណនី
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
