Emiliano Martinez ឆ្លើយ​តប​ត្រង់ៗ នៅ​ពេល​ត្រូវ​បាន​គេ​សួរ​ថា តើកីឡាករ​រូប​ណា​នឹង​ស្នង​តំណែង​របស់ Lionel Messi បាន?

អ្នក​ចាំទី​អាហ្សង់ទីន Emiliano Martinez ថ្មីៗ​នេះ បាន​ផ្តល់​ចម្លើយ​នៃ​សំណួរ​ដែល​ត្រូវ​បាន​គេ​សួរ​ថា តើ​អ្នក​ណា​នឹង​ជំនួស Lionel Messi បាន​នា​ពេល​អនាគត។ យ៉ាង​ណា​មិញ អ្នក​ចាំទី​ដែល​កំពុង​ប្រកប​អាជីព​ជាមួយ​ក្លឹប Aston Villa គិត​ថា​នឹង​គ្មាន​នរណា​ម្នាក់​ដូច Messi ទេ ហើយ​មក​ជំនួស​កីឡាករ​ឆ្នើម​រូប​នេះ​បាន​ឡើយ។

វា​មិន​គួរ​ជា​ការ​ភ្ញាក់​ផ្អើល​ទេ​ដែល Martinez គិត​ថា Messi មិន​អាច​មាន​អ្នក​ជំនួស​បាន ព្រោះ​ទេពកោលស្យ​នៃ​ការ​លេង និង​សមិទ្ធផល​ដែល​ខ្សែ​ប្រយុទ្ធ​ឆ្នើម​រូប​នេះ​ធ្វើ​បាន គឺ​ជា​រឿង​ដែល​ពិបាក​បំផុត។ និយាយ​អំពី Lionel Messi ក្នុង​អំឡុង​ពេល​ដំណើរ​ទស្សនកិច្ច​របស់​គាត់​ទៅ​កាន់​ប្រទេស​ឥណ្ឌា Emiliano Martinez បាន​លើក​ឡើង​ថា៖ “Lionel Messi ជា​កីឡាករ​ល្អ​បំផុត ហើយ​នឹង​គ្មាន​អ្នក​ណា​ម្នាក់​ដូច​គាត់​បាន​ទេ​នា​ពេល​អនាគត”។

កាល​ពី​ចុង​ឆ្នាំ 2022 តារា​ឆ្នើម Lionel Messi បាន​ជួយ​អាហ្សង់ទីន​ឲ្យ​ក្លាយ​ជា​ម្ចាស់​ជើង​ឯក FIFA World Cup ខណៈ​ដែល​កីឡាករ​វ័យ 36 ឆ្នាំ​រូបនេះ​ស៊ុត​បញ្ចូលទី​បាន 7 គ្រាប់ និង​បញ្ជូន​បាល់​ឲ្យ​មិត្ត​រួម​ក្រុម​បាន​ចំនួន 3 ដង។ ក្នុង​អំឡុង​ពេល​​នោះ​ដែរ Messi បាន​ឈ្នះ​បាល់មាស​ជា​កីឡាករ​ល្អ​ប្រចាំ​ព្រឹត្តិការណ៍​នៃ​ការ​ប្រកួត​ទៀត​ផង។

ប្រភព: Sportskeeda