បាល់ទាត់អន្តរជាតិ
Pochettino ប្រាប់ថា គាត់កំពុងរកវិធីជួយ Dele Alli ឲ្យក្លាយជាកីឡាករដ៏លេចធ្លោរឡើងវិញ
គ្រូបង្វឹករបស់ក្លឹបតោខៀវ Chelsea លោក Mauricio Pochettino បាននិយាយថា គាត់ចង់ជួយខ្សែបម្រើប្រយុទ្ធ Dele Alli របស់ Everton ឲ្យមានអាជីពបាល់ទាត់ដ៏ល្អប្រសើរឡើងវិញ។ យ៉ាងណាមិញ Pochettino និង Dele Alli ធ្លាប់បានធ្វើការជាមួយគ្នានៅ Tottenham Hotspur រហូតដល់គ្រូបង្វឹករូបនេះចាកចេញ កាលពីខែវិច្ឆិកា ឆ្នាំ 2019។
បន្តពីនោះមក អតីតខ្សែបម្រើប្រយុទ្ធរបស់ក្រុមជម្រើសជាតិអង់គ្លេសរូបនេះបានធ្លាក់ចុះនូវទម្រង់លេងជាខ្លាំង ដោយបានចាកចេញទៅលេងនៅក្លឹប Everton។ ទម្រង់លេងដ៏អាក្រក់នៃអាជីពបាល់ទាត់របស់គាត់នៅតែបន្ត និងត្រូវបាន Everton ដាក់ឲ្យខ្ចីជើងនៅក្លឹប Besiktas ដែលជាក្លឹបនៃប្រទេសទួរគី។
បច្ចុប្បន្ន Dele Alli បានត្រឡប់មក Goodison Park វិញហើយ បន្ទាប់ពីចប់ភារកិច្ចខ្ចីជើងនៅ Besiktas ស្របពេលដែល Everton បញ្ចប់រដូវកាលមុនជាមួយនឹងចំណាត់ថ្នាក់ក្បែរបាតតារាង និងស្ទើរតែធ្លាក់ទៅលេងនៅ Championship។ ដោយឡែកថ្មីៗនេះលោក Pochettino ដែលជាគ្រូថ្មីរបស់តោខៀវ Chelsea គ្រោងនឹងទាក់ទងទៅកីឡាករវ័យ 27 ឆ្នាំរូបនេះ និងកំពុងរកវិធីដើម្បីអាចជួយគាត់ឲ្យក្លាយជាកីឡាករល្អឡើងវិញ។
លោក Mauricio Pochettino បាននិយាយថា៖ “ខ្ញុំសង្ឃឹមថា នឹងមានពេលវេលាខ្លះដើម្បីគាត់ ព្រោះគាត់ជាមនុស្សពូកែ ហើយខ្ញុំចង់និយាយជាមួយគាត់បន្តិចហើយស្តាប់គាត់។ ខ្ញុំចង់ជួយគាត់ ហើយមើលថាមានអ្វីកើតឡើងចំពោះគាត់។ គាត់នៅក្មេងនៅឡើយ ហើយប្រាកដណាស់ គាត់នៅមានទស្សនវិស័យវែងឆ្ងាយជាមួយបាត់ទាត់នៅឡើយ…”។
ប្រភព: Dailypost NG
Erling Haaland ស៊ុត 4 គ្រាប់ម្នាក់ឯង ក្នុងជំនួបទល់នឹង Wolverhampton (មានវីដេអូ)
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
