បាល់ទាត់អន្តរជាតិ
Pochettino ប្រាប់កីឡាកររូបនេះថា ឲ្យប្រឹងប្រែងពង្រឹងសមត្ថភាពបន្ថែម បើចង់បានឱកាសចូលលេង
គ្រូបង្វឹករបស់ក្លឹបតោខៀវ Chelsea គឺលោក Mauricio Pochettino បានស្តីបន្ទោស និងនិយាយពីការខ្វះខាតពេលវេលាបង្ហាញសមត្ថភាពនៅលើទីលានប្រកួតរបស់ខ្សែបម្រើ Romeo Lavia។ ដោយឡែកគ្រូបង្វឹកសញ្ជាតិអាហ្សង់ទីនរូបនេះ ក៏បានសម្ដែងការខកចិត្ត និងមានអារម្មណ៍មិនសូវល្អចំពោះស្ថានភាពបែបនេះឡើយ។
យ៉ាងណាមិញ យើងបានដឹងហើយថា Chelsea បានចំណាយប្រាក់ 58 លានផោន ដើម្បីចុះហត្ថលេខាលើ Lavia ដោយផ្ទេរពីក្លឹប Southampton កាលពីរដូវក្តៅដើមរដូវកាលកន្លងទៅ។ គិតចាប់តាំងពីបានចុះហត្ថលេខាជាមួយតោខៀវមកទល់នឹងពេលនេះ Romeo Lavia មិនទាន់បានបង្ហាញខ្លួនឡើយ សូម្បីតែ 1 ប្រកួត។
កីឡាករសញ្ជាតិបែលហ្ស៊ិករូបនេះ នៅតែត្រូវរងចាំការបង្ហាញខ្លួនជាលើកដំបូងជាមួយ Chelsea ស្របពេលដែលគាត់ក៏មានបញ្ហារបួសខ្លះៗ និងការប្រកួតប្រជែងខ្លាំងនៅតំបន់បម្រើ។ ពាក់ព័ន្ធនឹងរឿងនេះ គ្រូបង្វឹកលោក Pochettino បាននិយាយថា៖ “គាត់ (Lavia) នៅតែត្រូវការពេលវេលា ដើម្បីមានទម្រង់លេងដ៏ល្អបំផុតមួយ។… ប្រហែលជាខ្ញុំនិយាយច្រើនពេក ប៉ុន្តែវាពិតជាមករំខានខ្ញុំ។ ខ្ញុំខកចិត្ត។ ក្លឹបក៏ខកចិត្ត”។
ប្រភព: Dailypost NG
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ2 days ago
Pep Guardiola កំពុងពិចារណាលើអនាគតរបស់ Joao Cancelo