Karim Benzema ពន្យល់​ពី​មូលហេតុ​ដែល​គាត់​បាន​ស៊ុត​បាល់ប៉េណាល់ទី​ស្តាយ Panenka

ខ្សែប្រយុទ្ធ Karim Benzema បាន​ពន្យល់​ពី​មូលហេតុ​ដែល​គាត់​បាន​ស៊ុត​បាល់ប៉េណាល់ទី Panenka ក្នុង​ការ​ប្រកួត​វគ្គពាក់​កណ្តាល​ផ្តាច់ព្រ័ត្រ Champions League របស់ Real Madrid ដែល​ប្រកួត​ជា​មួយ​នឹង​ក្លឹប​មេឃខៀវ Manchester City កាល​ពី​ម្សិលមិញ។

គួរ​ដឹង​ផង​ដែរ​ថា Panenka គឺ​ជា​បច្ចេកទេស​មួយ​ដែល​ត្រូវ​បាន​ប្រើប្រាស់​នៅ​ពេល​ទាត់បាល់​ពិន័យ ដោយ​ធ្វើ​ឲ្យ​អ្នកចាំទី​ដាច់​ចង្កេះ។ គេ​មិន​ទាត់​ទៅ​ខាងឆ្វេង រឺ​ខាងស្តាំ​របស់​អ្នកចាំទី​ឡើយ គឺ​គេ​ទាត់​បាល់​ស្រាលៗធ្វើ​ឲ្យ​បាល់​ហោះ​ទៅ​ខាង​លើ និង​ធ្លាក់​ចំ​​កណ្ដាល​ទី។

ដោយ​ឡែក Benzema នៅ​តែ​ជា​ខ្សែប្រយុទ្ធ​ដ៏​អស្ចារ្យ​ម្តង​ទៀត នៅកីឡដ្ឋាន Etihad ដោយ​បាន​ជួយ​ក្រុម​របស់​ខ្លួន​ឲ្យ​មាន​គ្រាប់​បាល់​រហូត​ដល់​បី​គ្រាប់ និង​ចាញ់​គូ​ប្រកួត Manchester City ត្រឹម​តែ​មួយ​គ្រាប់​ប៉ុណ្ណោះ។ ហើយ​នៅ​នាទីទី 82 ខ្សែប្រយុទ្ធ Karim Benzema បាន​ស៊ុត​បាល់​ប៉េណាល់​ទី​ដ៏​ល្អ​ផង​ដែរ។

ក្រោយ​ចប់​ការ​ប្រកួត Benzema បាន​​ពន្យល់​​​ពី​មូលហេតុ​ដែល​គាត់​សម្រេច​ចិត្ត ទាត់​បាល់​ប៉េណាល់​ទី​ស្តាយ Panenka នេះ។

គាត់​បាន​និយាយ​ថា “ខ្ញុំ​បាន​គិត​ទុក​រួច​ហើយ​ថា ប្រសិន​បើ​យើង​មិន​សាកល្បង​ទាត់​បាល់​ពិន័យ​បែប​នេះទេ នោះ​យើង​ក៏​មិន​មាន​កំហុស​ចំពោះ​ការ​ទាត់​បាល់​ពិន័យ​ដែរ។ គិត​បែប​នោះ គឺ​ជា​ទំនុក​ចិត្ត​ផ្លូវ​អារម្មណ៍។ នោះ​ជា​អ្វីទាំង​អស់ ដែល​ខ្ញុំ​មាន​ទំនុក​ចិត្ត​លើ​ខ្លួន​ឯង​ច្រើន។… ដូច្នេះ​ខ្ញុំ​ធ្វើ​វា ហើយ​វា​ពិត​ជា​បាន​ផល​​យ៉ាង​ល្អ”។

ប្រភព: 90 Min