បាល់ទាត់អន្តរជាតិ
ការផ្ទេររបស់ Fabinho ទៅអារ៉ាប៊ីសាអូឌីត បានពន្យារពេលដោយសារតែឆ្កែមួយក្បាល
ការផ្ទេរខ្សែបម្រើ Fabinho របស់ក្លឹបហង្សក្រហម Liverpool ពី Premier League ទៅកាន់ Saudi Pro League កំពុងត្រូវបានពន្យារពេល ដោយសារតែសត្វឆ្កែរបស់គាត់។ រឿងនេះត្រូវបាន talkSPORT រាយការណ៍ថា កិច្ចព្រមព្រៀងតម្លៃ 40 លានផោនសម្រាប់ Fabinho កំពុងជាប់គាំង ដោយសារតែសត្វឆ្កែ Bulldogs របស់គាត់ ត្រូវគេហាមឃាត់នៅក្នុងប្រទេសអារ៉ាប៊ីសាអូឌីត។
ឆ្កែជាទីស្រឡាញ់របស់ Fabinho គឺជាពូជឆ្កែ Bulldog បារាំង។ យ៉ាងណាមិញ នៅអារ៉ាប៊ីសាអូឌីត ពួកគេបានចាត់ទុកសត្វឆ្កែថាជាគ្រោះថ្នាក់ និងជាសត្វមិនសូវស្អាតបាតដូចសត្វឆ្មាឡើយ ហើយមិនត្រូវបានអនុញ្ញាតឲ្យចូលក្នុងប្រទេសនោះទេ។ ទោះជាយ៉ាងណាក៏ដោយ របាយការណ៍ផ្សេងទៀតបានអះអាងថា គ្រូបង្វឹករបស់ក្លឹប Al-Ettifaq លោក Steven Gerrard ក៏ធ្លាប់ជួបនូវបញ្ហានេះដូចគ្នា។
Steven Gerrard ត្រូវបានគេដឹងថា ក៏ជួបបញ្ហាស្រដៀងគ្នានេះដែរ នៅពេលដែលគាត់ចុះហត្ថលេខាជាមួយ Al Ettifaq ក្នុងនាមជាគ្រូបង្វឹកថ្មីរបស់ក្លឹប។ ប៉ុន្តែទីបំផុតសត្វឆ្កែរបស់ Steven Gerrard ត្រូវបានអនុញ្ញាតវិញ។
ប្រភព: Dailypost NG