បាល់ទាត់អន្តរជាតិ
ម្ចាស់ផ្ទះ Tottenham Hotspur លុតក្រុមភ្ញៀវបិសាចក្រហម 2-0
ក្លឹបមាន់ខ្នាយមាស Tottenham Hotspur បានទទួលជ័យជម្នះដ៏ត្រចះត្រង់ជាមួយនឹងលទ្ធផល 2 ទល់នឹង 0 ទៅលើក្រុមជាគូប្រជែងរបស់ខ្លួន Manchester United ដែលជាការប្រកួតលើកទីពីររបស់ពួកគេនៅក្នុងក្របខណ្ឌ Premier League កាលពីថ្ងៃសៅរ៍ ម្សិលមិញនេះ។
យ៉ាងណាមិញ Pape Sarr គឺជាម្ចាស់គ្រាប់បាល់បើកឆាកនៅក្នុងការប្រកួតសម្រាប់ក្រុមម្ចាស់ផ្ទះ Tottenham Hotspur ដោយបានស៊ុតបញ្ចូលទីនៅនាទីទី 49 មុនពេលគ្រាប់បាល់ចូលទីខ្លួនឯងមួយគ្រាប់ទៀតពីសំណាក់ខ្សែការពារ Lisandro Martinez នៅនាទីទី 83។ ពីរប្រកួតរបស់ Tottenham Hotspur រកបាន 4 ពិន្ទុ ខណៈដែលប្រកួតបើកឆាកពួកគេបានត្រឹមស្មើជាមួយ Brentford ក្នុងលទ្ធផល 2-2។
ការប្រកួតជាមួយ Tottenham Hotspur គ្រូបង្វឹករបស់បិសាចក្រហមលោក Erik ten Hag មិនបានផ្លាស់ប្ដូរសមាសភាពកីឡាករឲ្យខុសពីប្រកួតមុនដែលពួកគេបានយកឈ្នះ Wolverhampton 1-0 ឡើយ។ ទោះជាយ៉ាងណាក៏ដោយ ពួកគេបានបរាជ័យ ដោយមិនអាចតដៃបាន ខណៈដែលទម្រង់លេងរបស់ Tottenham Hotspur ល្អខុសពីធម្មតា ជាពិសេសនៅតំបន់បម្រើកណ្ដាល។ Yves Bissouma របស់មាន់ខ្នាយមាស គឺជាខ្សែបម្រើដែលមានទម្រង់លេងលេចធ្លោរបំផុត នៅក្នុងការប្រកួតនោះ ហើយគាត់ក៏បានក្លាយជា Man of the Match ផងដែរ។
ប្រភព: Sportsmole
-
បាល់ទាត់អន្តរជាតិ2 days ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ3 days ago
ក្រៅពី Messi និង Ronaldo ឥឡូវ Garnacho ហៅកីឡាកររូបនេះថា ជាកីឡាករល្អបំផុតក្នុងពិភពបាល់ទាត់
-
បាល់ទាត់អន្តរជាតិ2 days ago
ក្លឹបធំៗជាច្រើន កំពុងចាប់អារម្មណ៍លើខ្សែការពារប្រេស៊ីលវ័យ 17 ឆ្នាំ