បាល់ទាត់អន្តរជាតិ
ផ្លូវការណ៍៖ Mitrovic ចុះហត្ថលេខាផ្ទេរទៅចូលរួមជាមួយ Al Hilal
កាលពីប៉ុន្មានម៉ោងមុននេះក្លឹប Al Hilal ដែលស្ថិតនៅ Saudi Pro League បានប្រកាសពីការចុះហត្ថលេខាលើខ្សែប្រយុទ្ធ Aleksandar Mitrovic របស់ក្លឹប Fulham F.C ដូចពាក្យចចាមអារ៉ាមកាលពីប៉ុន្មានសប្ដាហ៍មុននេះពិតមែន។ កីឡាករវ័យ 28 ឆ្នាំរូបនេះ នឹងចុះកិច្ចព្រមព្រៀងជាមួយនឹងកុងត្រារយៈពេល 3 ឆ្នាំជាមួយ Al Hilal។
យ៉ាងណាមិញ កុងត្រារបស់ Aleksandar Mitrovic ជាមួយក្លឹបថ្មីនៅអារ៉ាប៊ីសាអូឌីត មានសុពលភាពដល់ខែមិថុនា ឆ្នាំ 2026។ ខណៈដែលកីឡាករសញ្ជាតិស៊ែប៊ីរូបនេះនៅជាប់កុងត្រាជាមួយ Fulham ប៉ុន្មានឆ្នាំទៀតនោះ Al Hilal បានចំណាយប្រាក់លើតម្លៃខ្លួនកីឡាកររូបនេះដែលគេដឹងថា ប្រហែលជាលើសពី 50 លានអឺរ៉ូ។
Aleksandar Mitrovic ចាកចេញពី Fulham ក្នុងនាមជាកីឡាករដែលរស់ក្នុងទ្រនំជាមួយក្លឹបអង់គ្លេសមួយនេះបានរយៈពេល 7 ឆ្នាំមកហើយ ដោយបង្ហាញខ្លួនសរុប 206 ប្រកួត និងស៊ុតបញ្ចូលទីបាន 111 គ្រាប់។ ខ្សែប្រយុទ្ធកណ្ដាលដែលជំនាញជើងស្ដាំរូបនេះ នឹងក្លាយជាមិត្តរួមក្រុមថ្មីជាមួយកីឡាករល្បីមួយចំនួនដូច Neymar Jr, Malcom, Koulibaly និង Ruben Neves ជាដើម។
ប្រភព: Fabrizio Romano
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
