បាល់ទាត់អន្តរជាតិ
មិនទាន់អស់អាល័យ!!! ក្លឹប Al-Ittihad ត្រៀមដាក់សំណើរដេញថ្លៃបំបែកកំណត់ត្រា 215 លានផោន ដើម្បីចុះហត្ថលេខាលើ Mohamed Salah
ក្លឹប Al-Ittihad ត្រូវបានគេរាយការណ៍ថា បានដាក់សំណើរដេញថ្លៃជាថ្មីម្ដងទៀត ជាមួយនឹងទឹកប្រាក់កើនឡើងដល់ 215 លានផោន សម្រាប់ខ្សែប្រយុទ្ធរបស់ក្លឹបហង្សក្រហម Liverpool គឺកីឡាករ Mohamed Salah។ យ៉ាងណាមិញ ទីផ្សារនៃការដោះដូរកីឡាកររបស់ក្លឹបនៅអារ៉ាប៊ីសាអូឌីតមិនទាន់បិទទ្វារនៅឡើយទេ ហើយប្រសិនបើសំណើររបស់ពួកគេត្រូវទទួលយកដោយហង្សក្រហម នោះ Mohamed Salah អាចចាកចេញពីទឹកដីអង់គ្លេសបាន។
យ៉ាងណាមិញ កីឡាករសញ្ជាតិអេហ្ស៊ីបរូបនេះ នៅមានកុងត្រាជាមួយក្លឹបបច្ចុប្បន្នរបស់ខ្លួនរហូតដល់ខែមិថុនា ឆ្នាំ 2025។ ទោះជាយ៉ាងណាក៏ដោយ នៅប៉ុន្មានសប្ដាហ៍ចុងក្រោយនេះ គាត់ត្រូវបានផ្សារភ្ជាប់យ៉ាងខ្លាំង ជាមួយនឹងការចាកចេញពី Anfield ទៅ Saudi Pro League។
ជាមួយនឹងការឈរនៅក្នុងជំហរដែលមិនលក់ Mohamed Salah ពីសំណាក់ក្លឹបហង្សក្រហម Liverpool នោះ ក្លឹប Al-Ittihad បានដាក់សំណើរដេញថ្លៃកើនឡើងជាបន្តបន្ទាប់ តាំងពី 150 លានផោន រហូតដល់ពេលនេះឡើងរហូតដល់ 215 លានផោន។ គេបានដឹងថា អ្នកតំណាងមកពី Al-Ittihad បានហោះហើរទៅកាន់ទីក្រុងឡុងដ៍កាលពីចុងសប្តាហ៍មុន ដើម្បីធ្វើការលើសំណើរចុងក្រោយមួយ ដើម្បីចុះហត្ថលេខាលើ Salah ឲ្យបានមុនដាច់ខែនេះ។
យោងតាមកាសែត The Sun បានឲ្យដឹងថា ក្លឹបអារ៉ាប៊ីសាអូឌីត នឹងដាក់ដេញថ្លៃបំបែកកំណត់ត្រាពិភពលោកដែលមានតម្លៃរហូតដល់ទៅ 215 លានផោន បូករួមទាំងកម្មវិធីបន្ថែមផ្សេងៗទៀតផងដែរ។ របាយការណ៍ដដែលនេះដែរបានអះអាងថា ក្លឹប Al-Ittihad សន្យាថា នឹងផ្ដល់ប្រាក់ពលកម្មដល់ Salah ចំនួន 2.45 លានផោន ក្នុងមួយសប្តាហ៍ ប្រសិនបើគាត់ទៅចូលរួមជាមួយពួកគេ។ យ៉ាងណា បើតម្លៃផ្ទេរនោះកើតឡើងមែន Mohamed Salah នឹងបំបែកកំណត់ត្រារបស់ Neymar Jr ដែលផ្ទេរពី Barcelona ទៅ PSG ក្នុងឆ្នាំ 2017 ជាមួយនឹងតម្លៃខ្លួន 200 លានផោន។
ប្រភព: Sportsmole
Erling Haaland ស៊ុត 4 គ្រាប់ម្នាក់ឯង ក្នុងជំនួបទល់នឹង Wolverhampton (មានវីដេអូ)
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
