បាល់ទាត់អន្តរជាតិ
Real Madrid ដាក់គោលដៅចង់បានគ្រូបង្វឹករូបនេះ ប្រសិនបើ Carlo Ancelotti ចាកចេញនៅឆ្នាំក្រោយ
តាមសេចក្តីរាយការណ៍ចុងក្រោយមួយបានឲ្យដឹងថា ក្លឹបអធិរាជស Real Madrid នឹងសម្លឹងមើលការតែងតាំងគ្រូបង្វឹករបស់ក្លឹប Bayer Leverkusen គឺលោក Xabi Alonso ជាគ្រូបង្វឹកថ្មីរបស់ពួកគេនៅឆ្នាំ 2024។ បច្ចុប្បន្នលោក Carlo Ancelotti នៅតែកាន់តំណែងនៅ Santiago Bernabeu បើទោះបីជាគាត់មិនអាចជួយក្លឹបឲ្យឈ្នះពាន La Liga រឺ UEFA Champions League កាលពីឆ្នាំមុនក៏ដោយ។
យ៉ាងណាមិញ នៅរដូវកាលថ្មីនេះ Real Madrid នៅតែចាប់ផ្តើមជាមួយនឹងទម្រង់ដ៏លេចធ្លោរ ដោយទទួលបានជ័យជម្នះចំនួន 5 ដងជាប់ៗគ្នា នៅក្នុងការប្រកួតលីគ មុនពេលបរាជ័យចុងក្រោយកាលពីថ្ងៃអាទិត្យមុនជាមួយ Atletico Madrid។ ទោះជាយ៉ាងណាក៏ដោយ Real Madrid ដឹងថា រដូវកាលនេះអាចនឹងជារដូវកាលចុងក្រោយរបស់គ្រូបង្វឹកលោក Carlo Ancelotti ហើយ ដោយគ្រូបង្វឹកសញ្ជាតិអ៊ីតាលីរូបនេះ ត្រៀមនឹងចាកចេញទៅស្វែងរកក្លឹបថ្មីនៅចុងបញ្ចប់នៃរដូវកាល។
កន្លងមក Ancelotti ត្រូវបានផ្សារភ្ជាប់យ៉ាងខ្លាំង ជាមួយនឹងការងារទៅដឹកនាំក្រុមជម្រើសជាតិប្រេស៊ីល តែក្រោយមកបុរសវ័យ 64 ឆ្នាំរូបនេះបានបដិសេធ។ អ្វីដែលគួរឲ្យចាប់អារម្មណ៍ផងដែរនោះ ពេញមួយអាជីពបាល់ទាត់របស់ Carlo Ancelotti គាត់មិនទាន់ធ្លាប់ដឹកនាំក្រុមជម្រើសជាតិណាមួយឡើយ។
ទោះភាពច្បាស់លាស់នៃអនាគតរបស់ Carlo Ancelotti មិនដឹងយ៉ាងណាក៏ដោយ ប្រធានក្លឹប Real Madrid លោក Florentino Perez បានគិតទុកជាមុនរួចស្រេចហើយថា នឹងពិចារណាជម្រើសគ្រូបង្វឹកឆ្នើមម្នាក់មកកាន់តំណែងបន្ត គឺលោក Xabi Alonso។ គ្រូបង្វឹកសញ្ជាតិអេស្ប៉ាញរូបនេះមានឈាមជ័រជាកីឡាកររបស់ក្លឹប Real Madrid ហើយបច្ចុប្បន្នកំពុងដឹកនាំយ៉ាងលេចធ្លោរជាមួយក្លឹបអាឡឺម៉ង់ Bayer Leverkusen។
ប្រភព: Sportsmole
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សង្គ្រាមដណ្ដើមចំណាត់ថ្នាក់លេខ 2 រវាង Girona និង Barcelona នៅយប់នេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
