បាល់ទាត់អន្តរជាតិ
Real Madrid កំពុងទទួលបានឱកាសក្នុងការចុះហត្ថលេខាផ្ទេរ Kalvin Phillips
ក្លឹបអធិរាជស Real Madrid ត្រូវបានគេរាយការណ៍ថា កំពុងមានឱកាសក្នុងការចុះហត្ថលេខាលើខ្សែបម្រើ Kalvin Phillips របស់ក្លឹបមេឃខៀវ Manchester City ក្នុងអំឡុងពេលដែលទីផ្សារដោះដូរកីឡាករបើកឡើងវិញនាខែមករាដើមឆ្នាំក្រោយ។
កីឡាករវ័យ 27 ឆ្នាំរូបនេះកំពុងប្រឈមមុខនឹងអនាគតមិនច្បាស់លាស់ជាមួយក្លឹបបច្ចុប្បន្នរបស់ខ្លួន ដោយបានបរាជ័យក្នុងដណ្ដើមតំណែងជាជម្រើសដំបូង រឺជាកីឡាករសំខាន់របស់ក្លឹប គិតចាប់តាំងពីបានចាកចេញពី Leeds United ក្នុងតម្លៃផ្ទេរប្រហែល 45 លានផោន ក្នុងរដូវក្តៅឆ្នាំ 2022។
Kalvin Phillips បានចាប់ផ្តើមការប្រកួតក្នុងនាមជាជម្រើស 11 នាក់ដំបូងត្រឹមតែ 5 ដងប៉ុណ្ណោះក្នុងចំណោមប្រកួតសរុប 27 ប្រកួតរបស់គាត់សម្រាប់ Man City ខណៈដែលកីឡាករផ្សេងទៀតដែលជាជម្រើសដំបូងមុនគាត់មានរហូតដល់ 7 នាក់ដូចជា Rodri, Mateo Kovacic, Matheus Nunes, Bernardo Silva, John Stones និង Rico Lewis។
គេបានដឹងថា អ្នកតំណាងរបស់ Kalvin Phillips បានព្យាយាមទាក់ទងទៅកាន់ក្លឹបអធិរាជស Real Madrid ស្របពេលដែលក្លឹបយក្សអេស្ប៉ាញមួយនេះទំនងជានឹងទិញយកខ្សែបម្រើចំណូលថ្មីបន្ថែមទៀតនៅឆ្នាំក្រោយ ខណៈដែល Luka Modric មានវ័យ 38 ឆ្នាំ និង Toni Kroos វ័យ 33 ឆ្នាំ និងត្រៀមចាកចេញពីក្លឹបក្នុងពេលឆាប់ៗខាងមុខ។
ប្រភព: Sportsmole
កំពុងឡើងជើងខ្លាំង និងត្រូវបានក្លឹបធំៗចាប់អារម្មណ៍ផងនោះ កីឡាកររូបនេះបែរជាត្រូវសម្រាកពីបាល់ទាត់រយៈពេល 1 ឆ្នាំ
Inter Miami កំពុងចរចាផ្ទេរមិត្តរួមក្រុមជម្រើសជាតិអាហ្សង់ទីនរបស់ Messi
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
