បាល់ទាត់អន្តរជាតិ
អតីតវីរបុរសរបស់ Arsenal ជម្រុញឲ្យក្លឹបរបស់ខ្លួនចុះហត្ថលេខាលើកីឡាករមួយរូបក្នុងចំណោម Kimmich និង Leon Goretzka
វីរបុរសបាល់ទាត់របស់ក្លឹបកាំភ្លើងធំ Arsenal លោក Emmanuel Petit បានជម្រុញឲ្យអតីតក្លឹបរបស់ខ្លួនចុះហត្ថលេខាលើកីឡាករមួយរូប ក្នុងចំណោម Joshua Kimmich រឺ Leon Goretzka ដោយលោកជឿថា កីឡាករឆ្នើមរបស់ក្លឹប Bayern Munich ទាំងពីររូបនេះ នឹងបើកចិត្តចំពោះការចាកចេញ ដើម្បីស្វែងរករសជាតិថ្មីក្នុងទឹកដីអង់គ្លេសផងដែរ។
បន្ទាប់ពីបានក្លាយជាជើងឯករងដោយចាញ់ Manchester City កាលពីរដូវកាលមុនលោក Mikel Arteta បានព្យាយាមពង្រឹងបន្ថែមសម្រាប់ក្រុមរបស់ខ្លួន ដោយនាំយកកីឡាករចំណូលថ្មីល្អៗជាច្រើនដូចជា Declan Rice, Kai Havertz, Jurrien Timber និង David Raya ជាដើម។
យ៉ាងណាមិញ Arsenal បច្ចុប្បន្នកំពុងឈរនៅក្បែរក្រុមកំពូលតារាងដោយចាញ់ Man City ត្រឹមតែមួយពិន្ទុប៉ុណ្ណោះ។ ប៉ុន្តែអតីតកីឡាកររបស់ក្រុមជម្រើសជាតិបារាំងលោក Emmanuel Petit ជឿជាក់ថា ក្លឹបកាំភ្លើងធំគួរតែមាន កីឡាករដែលមានបទពិសោធន៍ច្រើននៅក្នុងក្រុម ទើបអាចទទួលបានឱកាសលើកពានបាន។
Emmanuel Petit បាននិយាយថា៖ “ខ្ញុំដឹងថា ពួកគេចង់ទិញកីឡាករវ័យក្មេងដែលមានវេលា ដើម្បីកែលម្អ ហើយខ្ញុំអាចយល់ពីរឿងនេះបាន។ ប៉ុន្តែខ្ញុំគិតថាពួកគេត្រូវការកីឡាករដែលដឹងពីរបៀបឈ្នះ និងមានបទពិសោធន៍ក្នុងការប្រកួតធំៗ។ កីឡាករសំខាន់ពីររូបដែលខ្ញុំនឹងកំណត់គោលដៅប្រសិនបើខ្ញុំជា Arsenal គឺ Joshua Kimmich និង Leon Goretzka”។
ប្រភព: Metro UK
-
បាល់ទាត់អន្តរជាតិ3 days ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ2 days ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!
-
បាល់ទាត់អន្តរជាតិ20 hours ago
អតីតកីឡាករមួយរូបរបស់ Barcelona បន្លំឲ្យប្អូនភ្លោះរបស់ខ្លួនចូលលេងជំនួស ដើម្បីជួយក្រុម!!!