បាល់ទាត់អន្តរជាតិ
ខ្សែប្រយុទ្ធវ័យ 15 ឆ្នាំរបស់ Arsenal ស៊ុតបញ្ចូលទី 10 គ្រាប់ក្នុងមួយប្រកួត
ខ្សែប្រយុទ្ធ Chido Obi-Martin ដែលលេងនៅឈុតយុវជនរបស់ក្លឹបកាំភ្លើងធំ Arsenal បានបង្កើតរឿងដ៏អស្ចារ្យ និងនឹកស្មានមិនដល់មួយ ដោយគាត់បានស៊ុតបាល់បញ្ចូលទី 10 គ្រាប់ ក្នុងការប្រកួតជាមួយនឹងក្លឹបហង្សក្រហម Liverpool ជាការប្រកួតកម្រិតយុវជនរបស់ក្របខណ្ឌ Premier League។
ការប្រកួតនេះត្រូវបានធ្វើឡើងកាលពីថ្ងៃទី 18 ខែវិច្ឆិកា ហើយលទ្ធផលបានបញ្ចប់ទៅដោយយុវជនរបស់ក្លឹបកាំភ្លើងធំ Arsenal បានយកឈ្នះយុវជនរបស់ក្លឹបហង្សក្រហម 14 ទល់នឹង 3។ សម្រាប់កីឡាករដែលបានស៊ុតបញ្ចូលទី 10 គ្រាប់ម្នាក់ឯង Obi-Martin បានក្លាយជាកីឡាករដ៏លេចធ្លោរដោយរកបានគ្រាប់បាល់សរុប 13 គ្រាប់ ក្នុងការបង្ហាញខ្លួន 5 ប្រកួតនៃក្របខណ្ឌ EPL U-18។
គួរដឹងផងដែរថា Chido Obi-Martin គឺជាខ្សែប្រយុទ្ធវ័យ 15 ឆ្នាំ មានដើមកំណើតមកពីប្រទេសនីហ្សេរីយ៉ា និងធ្លាប់លេងឲ្យឈុតយុវជនរបស់ Arsenal U-18, U-19 និង U-21។ ជាងនេះទៅទៀត Obi-Martin ធ្លាប់ត្រូវបានកោះហៅឲ្យហ្វឹកហាត់ជាមួយក្រុមឈុតធំម្ដងរួចមកហើយផងដែរ និងទទួលបានការសរសើរយ៉ាងខ្លាំងពីគ្រូបង្វឹករបស់ក្លឹបលោក Mikel Arteta។
ប្រភព: Telecomasia