បាល់ទាត់អន្តរជាតិ
Real Madrid អាចនឹងពិចារណាលក់ Vinicius Jr ទៅឲ្យ Man United
ក្លឹបបិសាចក្រហម Manchester United របស់អង់គ្លេស កំពុងបង្ហាញចំណាប់អារម្មណ៍យ៉ាងខ្លាំងទៅលើខ្សែប្រយុទ្ធស្លាបសញ្ជាតិប្រេស៊ីល Vinicius Jr របស់ក្លឹប Real Madrid (នេះបើយោងតាមរបាយការណ៍ដែលបានចុះផ្សាយដោយ Fichajes)។
យោងតាមប្រភពដដែលនេះដែរបានឲ្យដឹងបន្ថែមទៀតថា ក្លឹបអធិរាជស Real Madrid មានលក្ខណៈសម្បត្តិគ្រប់គ្រាន់ ក្នុងការលក់គាត់ឲ្យចាកចេញទៅទឹកដីអង់គ្លេស ដោយសារតែពួកគេ នឹងចុះហត្ថលេខាលើខ្សែប្រយុទ្ធ Kylian Mbappe។ មានការអះអាងមួយបានឲ្យដឹងថា គ្រូបង្វឹករបស់ក្លឹប Real Madrid មិនមានគម្រោងដាក់ Vinicius Jr និង Mbappe ឲ្យលេងក្នុងពេលជាមួយគ្នានោះទេ ព្រោះពួកគេមានតួនាទីដូចគ្នានៅលើទីលាន។
លើសពីនេះទៅទៀត Real Madrid កំពុងសម្លឹងមើលឃើញពីគុណវិបត្តិរបស់ Vinicius Jr ដែលគាត់ហាក់មានភាពមិនសូវរឹងមាំក្នុងការប្រឈមមុខនឹងរបួស។ កីឡាករសញ្ជាតិប្រេស៊ីលវ័យ 23 ឆ្នាំរូបនេះបានលេងសរុប 14 ប្រកួត សម្រាប់ Real Madrid ក្នុងរដូវកាលនេះ ដោយស៊ុតបញ្ចូលទីបាន 6 គ្រាប់ និងបញ្ជូនបាល់ឲ្យមិត្តរួមក្រុមបាន 4 ដង។ កុងត្រារបស់គាត់ជាមួយ Real Madrid នឹងផុតកំណត់នៅចុងខែមិថុនា ឆ្នាំ 2027។
ប្រភព: Telecomasia
-
បាល់ទាត់អន្តរជាតិ2 days ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ20 hours ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!
-
បាល់ទាត់អន្តរជាតិ18 hours ago
Pep Guardiola ថា៖ ជម្រើសនៅពេលនេះមានតែមួយគត់ គឺត្រូវឈ្នះ Tottenham Hotspur