បាល់ទាត់អន្តរជាតិ
Real Madrid និង Man City កំពុងចាប់ចិត្តខ្លាំងលើខ្សែប្រយុទ្ធវ័យក្មេង Florian Wirtz
ក្លឹបអធិរាជស Real Madrid និងក្លឹបមេឃខៀវ Manchester City ត្រូវបានគេរាយការណ៍ថា បានចាប់អារម្មណ៍ក្នុងការចុះហត្ថលេខាលើកីឡាករវ័យក្មេងរបស់ក្លឹប Bayer Leverkusen គឺខ្សែប្រយុទ្ធ Florian Wirtz។ កីឡាករវ័យ 20 ឆ្នាំរូបនេះ បច្ចុប្បន្នត្រូវបានក្លឹបធំៗជាច្រើនចាប់អារម្មណ៍ចង់បាន ស្របពេលដែលទម្រង់លេងរបស់គាត់មានភាពលេចធ្លោរខ្លាំងនៅទឹកដីអាឡឺម៉ង់។
យ៉ាងណាមិញ Florian Wirtz គឺជាខ្សែប្រយុទ្ធកណ្ដាលដ៏សំខាន់ និងតែងតែបង្ហាញខ្លួនយ៉ាងទៀងទាត់ នៅក្នុងក្រុមរបស់លោក Xabi Alonso រដូវកាលនេះ ដោយបានរួមចំណែកស៊ុតបញ្ចូលទីបាន 5 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 7 ដង ក្នុងការបង្ហាញខ្លួន 17 ប្រកួត ក្នុងក្របខ័ណ្ឌ Bundesliga។
លើសពីនេះទៅទៀត ក្លឹបរបស់គាត់ Leverkusen កំពុងតែកាន់កាប់តំណែងកំពូលតារាង និងឈរនៅចំណាត់ថ្នាក់លេខមួយក្នុងក្របខ័ណ្ឌលីគកំពូលរបស់អាឡឺម៉ង់ ដោយនាំមុខក្រុមលេខ 2 ដែលជាក្រុមការពារតំណែងជើងឯក Bayern Munich ហើយ Florian Wirtz គឺជាចំណែកមួយដ៏សំខាន់នៃភាពជោគជ័យនេះ។
យោងតាមរបាយការណ៍ពីកាសែតកីឡា Bild បានឲ្យដឹងថា ក្លឹប Real Madrid និង Manchester City កំពុងចាប់អារម្មណ៍ក្នុងការចរចាចុះហត្ថលេខាលើ Florian Wirtz នាពេលឆាប់ៗខាងមុខនេះ ខណៈដែលក្លឹបទាំង 2 នេះកំពុងសម្លឹងមើលការពង្រឹងបន្ថែមរបស់ក្រុម ដើម្បីទទួលបានភាពជោគជ័យនៅក្នុងការប្រជែងពានក្នុងស្រុក និងក្នុងក្របខ័ណ្ឌ UEFA Champions League។
ប្រភព: Sportsmole
-
បាល់ទាត់អន្តរជាតិ1 day ago
គ្រូ PSG ប្រាប់ឲ្យក្លឹបរបស់ខ្លួនបន្តកុងត្រាថ្មីបន្ថែមទៀតដល់ Vitinha
-
បាល់ទាត់អន្តរជាតិ2 days ago
ខ្លះៗអំពីការប្រកួតរវាង Bayern Munich និង Real Madrid នៅរំលងអាធ្រាតនេះ!!!
-
បាល់ទាត់អន្តរជាតិ2 days ago
Vinicius Jr ស៊ុត 2 គ្រាប់ម្នាក់ឯង ជួយ Real Madrid ឲ្យស្មើក្នុងដី Bayern Munich (មានវីដេអូ)