បាល់ទាត់អន្តរជាតិ
Liverpool កំពុងទាក់ទងទៅ Porto ជុំវិញការផ្ទេរខ្សែបម្រើឆ្នើមមួយរូប
ក្លឹបហង្សក្រហម Liverpool ត្រូវបានគេរាយការណ៍ថា បានទាក់ទងទៅកាន់ក្លឹប FC Porto ជុំវិញការចុះហត្ថលេខាលើកីឡាករ Alan Varela ក្នុងអំឡុងពេលនៃទីផ្សារដោះដូរកីឡាករនារដូវក្តៅខាងមុខនេះ។ យ៉ាងណាមិញ កីឡាករសញ្ជាតិអាហ្សង់ទីនរូបនេះ ទើបតែបានផ្ទេរពី Boca Juniors ទៅ Porto កាលពីដើមរដូវកាលនេះប៉ុណ្ណោះ ជាមួយនឹងតម្លៃខ្លួន 9.4 លានផោន។
ទោះជាយ៉ាងណាក៏ដោយ Alan Varela បានដើរតួយ៉ាងសំខាន់សម្រាប់ក្លឹប FC Porto ក្នុងរដូវកាល 2023-2024 នេះ ដោយបានបង្ហាញខ្លួនចំនួន 14 ដង នៅលីគកំពូល Primeira Liga។ គាត់បានរួមចំណែកស៊ុតបញ្ចូលទីបានម្តង និងបញ្ជូនបាល់ឲ្យមិត្តរួមក្រុមបាន 2 ដង ក្នុងនាមជាខ្សែបម្រើកណ្តាល។
មុនពេលក្លាយជាកីឡាកររបស់ Porto ខ្សែបម្រើរូបនេះបានចំណាយពេលជាង 3 ឆ្នាំលេងឲ្យឈុតធំរបស់ក្លឹប Boca Juniors ចន្លោះឆ្នាំ 2020 និង 2023 ដោយបានបង្ហាញខ្លួនចំនួន 111 ប្រកួត។ ដោយឡែកថ្មីៗនេះ យោងតាមរបាយការណ៍ពីកាសែតកីឡា Bolavip បានឲ្យដឹងថា ក្លឹបហង្សក្រហម Liverpool បានទាក់ទងទៅកាន់ក្លឹប Porto ជុំវិញលទ្ធភាពនៃការនាំយក Varela ទៅទឹកដីអង់គ្លេសនៅចុងបញ្ចប់នៃរដូវកាលនេះ។ ក្លឹបហង្សក្រហមកំពុងត្រូវការខ្សែបម្រើកណ្ដាលជាចាំបាច់ ខណៈដែលបច្ចុប្បន្នពួកគេមានជម្រើសតែ Wataru Endo ម្នាក់ប៉ុណ្ណោះ ដែលលេងនាទីជាខ្សែបម្រើការពារ។
ប្រភព: Sportsmole
Erling Haaland ស៊ុត 4 គ្រាប់ម្នាក់ឯង ក្នុងជំនួបទល់នឹង Wolverhampton (មានវីដេអូ)
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
