បាល់ទាត់អន្តរជាតិ
Arsenal និង Man City ត្រៀមប្រជែងគ្នា ដើម្បីចុះហត្ថលេខាលើខ្សែការពារមួយរូបរបស់ក្លឹប Fiorentina
ក្លឹបកាំភ្លើងធំ Arsenal និង Manchester City ត្រូវបានគេរាយការណ៍ថា កំពុងត្រៀមប្រជែងគ្នាសម្រាប់ការចុះហត្ថលេខាលើខ្សែការពារ Michael Kayode របស់ក្លឹប Fiorentina នៅរដូវក្ដៅនេះ។
អតីតកីឡាករដែលប្រសូត្រចេញពីយុវជនថ្នាលរបស់ Juventus រូបនេះ កំពុងក្លាយជាខ្សែការពារស្តាំដ៏សំខាន់របស់ក្លឹប Fiorentina ហើយនៅរដូវកាលនេះ គាត់បានរួមចំណែកស៊ុតបញ្ចូលទីបាន 1 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 3 ដង ក្នុងការបង្ហាញខ្លួន 26 ប្រកួត។
យ៉ាងណាមិញ Michael Kayode ទើបនឹងត្រូវបានប្រម៉ូតឡើងមកលេងជាមួយក្រុមឈុតធំរបស់ Fiorentina កាលពីដើមរដូវកាលនេះប៉ុណ្ណោះ ប៉ុន្តែគាត់បានកាន់កាប់តួនាទីជាកីឡាករដ៏សំខាន់របស់ក្រុម។ ខ្សែការពារឆ្នើមរូបនេះ បានបង្ហាញខ្លួនជាជម្រើសដំបូងក្នុងការប្រកួតនៅ Serie A ចំនួន 15 ប្រកួត និង 4 ប្រកួតនៅក្របខ័ណ្ឌ Europa Conference League។
ឥឡូវនេះយោងតាមរបាយការណ៍ពី Fichajes បានឲ្យដឹងថា ក្លឹបយក្ស 2 របស់អង់គ្លេសដែលមាន Arsenal និង Man City នឹងប្រជែងគ្នាដើម្បីដាក់សំណើរផ្ទេរ Kayode ខណៈដែល AC Milan, Inter Milan និង Manchester United ក៏មានពាក្យចចាមអារ៉ាមចង់បានកីឡាករវ័យក្មេងរូបនេះដែរ។
ប្រភព: Sportsmole
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សង្គ្រាមដណ្ដើមចំណាត់ថ្នាក់លេខ 2 រវាង Girona និង Barcelona នៅយប់នេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
