បាល់ទាត់អន្តរជាតិ
Roberto De Zerbi ច្រានចោលឱកាសក្នុងការទៅដឹកនាំ Barcelona
គ្រូបង្វឹករបស់ក្លឹប Brighton លោក Roberto De Zerbi បានច្រានចោលការរំពឹងទុកជាមួយនឹងតំណែងជាគ្រូបង្វឹកថ្មីរបស់ Barcelona។ យើងបានដឹងហើយថា គ្រូបង្វឹកបច្ចុប្បន្នរបស់ Barcelona លោក Xavi Hernandez បានប្រកាសកាលពីខែមករា ឆ្នាំ 2023 ថា គាត់នឹងចាកចេញពី Camp Nou នៅចុងបញ្ចប់នៃរដូវកាល 2023/2024 នេះ។
មានគ្រូបង្វឹកជាច្រើនត្រូវបានផ្សារភ្ជាប់ជាមួយនឹងការមកដឹកនាំ និងក្លាយជាគ្រូបង្វឹកថ្មីរបស់ Barcelona រួមទាំងលោក De Zerbi ដែលជាគ្រូបង្វឹករបស់ Brighton ផងដែរ។ ទោះជាយ៉ាងណា បុរសវ័យ 44 ឆ្នាំរូបនេះបានបដិសេធដោយលោកនឹងមិនទៅដឹកនាំនៅ Barcelona ឡើយ។
De Zerbi បាននិយាយកាលពីពេលថ្មីៗនេះថា៖ “ខ្ញុំមានតែ Brighton នៅក្នុងខួរក្បាលរបស់ខ្ញុំ។ ខ្ញុំមិនបានសម្រេចចិត្តអ្វីទេ ហើយខ្ញុំស្ថិតក្រោមកុងត្រានៅទីនេះ។ ខ្ញុំចង់បញ្ចប់រដូវកាល ជាមួយនឹងវិធីដ៏ល្អបំផុតជាមួយនឹងកីឡាករក្មេងៗរបស់យើង។ ការផ្តោតអារម្មណ៍របស់ខ្ញុំគឺ ទៅលើ Brighton 100%”។
គួររំលឹកផងដែរថា De Zerbi បានចូលកាន់តំណែងនៅ Brighton ក្នុងខែកញ្ញា ឆ្នាំ 2022។ កាលពីរដូវកាលមុន គាត់បានដឹកនាំក្រុមឲ្យទទួលបានចំណាត់ថ្នាក់លេខ 6 ក្នុងក្របខណ្ឌ Premier League ដែលជាមិទ្ធិផលដ៏អស្ចារ្យក្នុងប្រវត្តិសាស្ត្ររបស់ក្លឹប។
ប្រភព: Telecomasia
-
បាល់ទាត់អន្តរជាតិ2 days ago
តើ Real Madrid នឹងប្រើប្រាស់អ្នកចាំទីរូបណា នៅក្នុងការប្រកួតវគ្គផ្ដាច់ព្រ័ត UEFA Champions League?
-
បាល់ទាត់អន្តរជាតិ2 days ago
Pepe នឹងចាកចេញពី Porto មកចូលរួមជាមួយ Barcelona នៅរដូវក្ដៅនេះ!!!
-
បាល់ទាត់អន្តរជាតិ2 days ago
ក្រៅពី Messi និង Ronaldo ឥឡូវ Garnacho ហៅកីឡាកររូបនេះថា ជាកីឡាករល្អបំផុតក្នុងពិភពបាល់ទាត់