បាល់ទាត់អន្តរជាតិ
ខ្សែប្រយុទ្ធវ័យក្មេងរបស់ PSG រូបនេះ នឹងខកខានមិនអាចលេងទល់នឹង Barcelona ដោយសាររបួស
ខ្សែប្រយុទ្ធស្លាបរបស់ក្លឹប PSG គឺកីឡាករ Bradley Barcola បានរងរបួសអំឡុងពេលបំពេញកាតាព្វកិច្ចជាមួយក្រុមជម្រើសជាតិបារាំង U-23។ កីឡាករវ័យក្មេងរូបនេះត្រូវបានប្ដូរចេញនៅនាទីទី 23 នៃការប្រកួតមួយរបស់ក្រុមជម្រើសជាតិបារាំង ទល់នឹងក្រុមជម្រើសជាតិកូតឌីវ័រ។
ជាលទ្ធផលក្រោយពីបានទទួលការពិនិត្យសុខភាពរួច បានបង្ហាញថា Bradley Barcola មានរបួសត្រង់សរសៃពួរជង្គង់។ ផ្សេងពីនេះដែរ យោងតាមរបាយការណ៍ពី L’Equipe បានឲ្យដឹងថា កីឡាកររូបនេះទំនងជានឹងខកខានការប្រកួតនាពេលខាងមុខសម្រាប់ក្លឹប PSG របស់គាត់ដែលត្រូវប៉ះ Marseille នៅថ្ងៃទី 31 ខែមីនា និងការប្រកួតវគ្គពាក់កណ្តាលផ្តាច់ព្រ័ត្រទល់នឹង Rennes នៅថ្ងៃទី 3 ខែមេសា ដែលជាការប្រកួត Coupe de France។
បន្ថែមលើសពីនេះដែរ Bradley Barcola នឹងខកខានការប្រកួតជើងទី 1 ដែលជាការប្រកួតក្នុងក្របខ័ណ្ឌ UEFA Champions League វគ្គ 8 ក្រុមចុងក្រោយទល់នឹង Barcelona នៅថ្ងៃទី 10 ខែមេសា ខាងមុខ។ សូមរំលឹកផងដែរថា Bradley Barcola បានចូលរួមជាមួយ PSG កាលពីរដូវក្តៅឆ្នាំមុន ដោយផ្ទេរពី Lyon ក្នុងតម្លៃ 45 លានអឺរ៉ូ។ គាត់បានស៊ុតបញ្ចូលទីបាន 3 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 6 ដង ក្នុងការបង្ហាញខ្លួនសរុប 33 ប្រកួតសម្រាប់ PSG។
ប្រភព: Dailysports
-
បាល់ទាត់អន្តរជាតិ2 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ2 days ago
Van Dijk គាំទ្រចង់ឲ្យគ្រូបង្វឹករូបនេះ មកដឹកនាំនៅ Liverpool រដូវកាលក្រោយ!!!
-
បាល់ទាត់អន្តរជាតិ2 days ago
កីឡាករសំខាន់ 2 រូបរបស់ Man City នឹងអវត្តមានក្នុងការប្រកួតទល់នឹង Brighton នៅរំលងអាធ្រាតនេះ!!!