បាល់ទាត់អន្តរជាតិ
Joao Cancelo បង្ហាញក្ដីសង្ឃឹមក្នុងការយកឈ្នះ PSG ដើម្បីបន្តដំណើរទៅវគ្គពាក់កណ្ដាលផ្ដាច់ព្រ័ត UEFA Champions League
តារាឆ្នើម Joao Cancelo បាននិយាយអំពីក្តីសង្ឃឹមនៃដំណើរផ្សងព្រេងនៅក្របខ័ណ្ឌ UEFA Champions League របស់ Barcelona បន្ទាប់ពីបានដឹងថា ក្រុមរបស់គាត់បានចាប់ឆ្នោតដោយត្រូវប៉ះជាមួយនឹងក្លឹបយក្សរបស់បារាំង Paris Saint-Germain ក្នុងវគ្គ 8 ក្រុមចុងក្រោយ។
យ៉ាងណាមិញក្លឹបអេស្ប៉ាញ Barcelona ត្រូវប្រឈមមុខនឹងអតីតគ្រូបង្វឹករបស់ពួកគេលោក Luis Enrique និងខ្សែប្រយុទ្ធឆ្នើមដែលពិបាកបិទ Kylian Mbappe។ ទោះជាយ៉ាងណាក៏ដោយ ខ្សែការពារ Joao Cancelo បានលើកឡើងថា គាត់មានអារម្មណ៍មើលឃើញឱកាសដែលក្រុមរបស់ខ្លួនអាចឡើងទៅវគ្គបន្ទាប់បាន។
ខ្សែការពារវ័យ 29 ឆ្នាំរូបនេះបាននិយាយប្រាប់ទៅកាន់ A Bola កាលពីពេលថ្មីៗកន្លងទៅថា៖ “នៅ UEFA Champions League ក្រុមទាំងអស់សុទ្ធតែខ្លាំង។ PSG គឺជាក្រុមដែលមានកីឡាករដ៏អស្ចារ្យ និងមានគ្រូបង្វឹកដ៏ល្អ ដែលខ្ញុំពិតជាមានការកោតសរសើរចំពោះពួកគេ។ វានឹងក្លាយជាការប្រកួតដ៏លំបាកមួយ ប៉ុន្តែយើងនឹងព្យាយាម។ យើងជា Barcelona ហើយយើងនឹងព្យាយាមលេងនៅក្នុងការប្រកួតនោះដើម្បីឈ្នះ”។
ប្រភព: Barcablaugranes
-
បាល់ទាត់អន្តរជាតិ2 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ2 days ago
Van Dijk គាំទ្រចង់ឲ្យគ្រូបង្វឹករូបនេះ មកដឹកនាំនៅ Liverpool រដូវកាលក្រោយ!!!
-
បាល់ទាត់អន្តរជាតិ2 days ago
កីឡាករសំខាន់ 2 រូបរបស់ Man City នឹងអវត្តមានក្នុងការប្រកួតទល់នឹង Brighton នៅរំលងអាធ្រាតនេះ!!!