បាល់ទាត់អន្តរជាតិ
ផ្លូវការណ៍៖ Xabi Alonso បន្តស្នាក់នៅក្លឹបបច្ចុប្បន្នរហូតដល់រដូវកាលក្រោយបន្ថែមទៀត
គ្រូបង្វឹករបស់ក្លឹប Bayer Leverkusen លោក Xabi Alonso បានបញ្ជាក់ថា លោកនឹងនៅបន្តអាជីពក្នុងទឹកដី Bundesliga សម្រាប់យុទ្ធនាការរដូវកាលថ្មីឆ្នាំ 2024-2025 បន្តទៀត។ យ៉ាងណាមិញ រឿងនេះបានធ្វើឲ្យក្តីសង្ឃឹមរបស់ Liverpool និង Bayern Munich ដែលចង់បានគ្រូបង្វឹករូបនេះទៅដឹកនាំនឹងត្រូវបញ្ចប់។
ក្លឹបហង្សក្រហម Liverpool នឹងត្រូវស្វែងរកអ្នកជំនួសតំណែងលោក Jurgen Klopp នៅចុងបញ្ចប់នៃរដូវកាលនេះ ខណៈដែលក្លឹប Bayern Munich ក៏កំពុងស្វែងរកអ្នកជំនួសកៅអីលោក Thomas Tuchel ដូចគ្នា។ ក្លឹបទាំង 2 នេះត្រូវបានគេដឹងជាសាធារណៈថា ពិតជាចង់បានលោក Xabi Alonso ដែលធ្លាប់ជាអតីតកីឡាកររបស់ក្លឹបទៅដឹកនាំ។
កាលពីប៉ុន្មានថ្ងៃមុន មានរបាយការណ៍ជាច្រើនបាននិយាយថា Xabi Alonso នឹងមិនចាកចេញពីក្លឹបបច្ចុប្បន្ននៅរដូវក្តៅនេះទេ ហើយថ្ងៃនេះជាក់ស្ដែង គ្រូបង្វឹកវ័យ 42 ឆ្នាំរូបនេះ ត្រូវបានក្លឹប Bayer Leverkusen បញ្ជាក់ជាផ្លូវការណ៍ថា គាត់នឹងដឹកនាំនៅរដូវកាលក្រោយ 2024-2025 បន្តទៀត។ គួរដឹងផងដែរថា Xabi Alonso នៅមានកុងត្រាជាមួយក្លឹបបច្ចុប្បន្នរហូតដល់ឆ្នាំ 2026។
ប្រភព: Sportsmole
-
បាល់ទាត់អន្តរជាតិ1 day ago
តើ Real Madrid នឹងប្រើប្រាស់អ្នកចាំទីរូបណា នៅក្នុងការប្រកួតវគ្គផ្ដាច់ព្រ័ត UEFA Champions League?
-
បាល់ទាត់អន្តរជាតិ1 day ago
Pepe នឹងចាកចេញពី Porto មកចូលរួមជាមួយ Barcelona នៅរដូវក្ដៅនេះ!!!
-
បាល់ទាត់អន្តរជាតិ2 days ago
Carlo Ancelotti លើកឡើងថា កូនក្រុមរបស់ខ្លួនរូបនេះ នឹងឈ្នះ Ballon d’Or