បាល់ទាត់អន្តរជាតិ
ក្លឹបមួយនៅលីគកំពូលហូឡង់ ត្រូវបានពិន័យកាត់ពិន្ទុរហូតធ្លាក់ដល់បាតតារាង
ប្រធានសហព័ន្ធរបស់លីគកំពូលនៃប្រទេសហូឡង់ Eredivisie បានដាក់ពិន័យយ៉ាងធ្ងន់ធ្ងរលើក្លឹបល្បីឈ្មោះ Vitesse ចំពោះការបំពានច្បាប់ចំណូលចំណាយលើផ្នែកហិរញ្ញវត្ថុ (Financial Fair Play)។ យោងតាមគេហទំព័រផ្លូវការណ៍របស់ក្លឹប Vitesse បានប្រកាសឲ្យដឹងថា ពួកគេត្រូវបានកាត់ 18 ពិន្ទុក្នុងតារាងលីគ។
ទោះជាយ៉ាងណាក៏ដោយ ក្លឹបនឹងមិនប្តឹងតវ៉ាចំពោះការសម្រេចចិត្តដាក់ពិន័យនេះទេ ដោយសារតែការប្រឹងតវ៉ាអាចនឹងធ្វើឲ្យពួកគេប្រថុយក្នុងការបាត់បង់អាជ្ញាប័ណ្ណរបស់ក្លឹបទាំងស្រុង ដែលនេះកាន់តែធ្ងន់ធ្ងរលើសពីការដកពិន្ទុទៅទៀត។ ក្រោយការកាត់ពិន្ទុរួចហើយ ក្លឹប Vitesse បានធ្លាក់ទៅឈរនៅបាតតារាងនៃលីគកំពូល។
បច្ចុប្បន្នការប្រកួតប្រជែងនៅ Eredivisie បានឈានដល់ជុំទី 30 ហើយ។ ក្លឹប Vitesse មានត្រឹមតែ 17 ពិន្ទុប៉ុណ្ណោះ ហើយក្នុងចំណោមក្រុមបាតតារាងទាំងអស់ ពួកគេមានពិន្ទុតិចជាងគេ។ ខណៈដែលការប្រកួតនៅសល់ត្រឹមតែ 4 ដងទៀតប៉ុណ្ណោះ ដូច្នេះហើយប្រហែលជា Vitesse មិនអាចគេផុតពីការកាត់ទៅលេងនៅលីគលំដាប់ទី 2 ឡើយ។
ប្រភព: Dailysports
-
បាល់ទាត់អន្តរជាតិ2 days ago
គ្រូ PSG ប្រាប់ឲ្យក្លឹបរបស់ខ្លួនបន្តកុងត្រាថ្មីបន្ថែមទៀតដល់ Vitinha
-
បាល់ទាត់អន្តរជាតិ2 days ago
ខ្លះៗអំពីការប្រកួតរវាង Bayern Munich និង Real Madrid នៅរំលងអាធ្រាតនេះ!!!
-
បាល់ទាត់អន្តរជាតិ2 days ago
Vinicius Jr ស៊ុត 2 គ្រាប់ម្នាក់ឯង ជួយ Real Madrid ឲ្យស្មើក្នុងដី Bayern Munich (មានវីដេអូ)