Joselu ចុះ​ហត្ថលេខា​ចូលរួម​ជាមួយ​ក្លឹប​នៅ​លីគ​កំពូល​នៃ​ប្រទេស​កាតា

ក្លឹប Real Madrid បាន​ប្រកាស​ជា​ផ្លូវការ​ពី​ការ​ចាកចេញ​របស់​ខ្សែប្រយុទ្ធ Joselu កាល​ពី​ម្សិលមិញ​នេះ ខណៈ​ដែល​ភ្លាមៗ​នោះ គាត់​បាន​សម្រេច​ចិត្ត​ចូលរួម​ជាមួយ​ក្លឹប Al-Gharafa ដែល​ស្ថិត​ក្នុង​លីគ​កំពូល​នៃ​ប្រទេស​កាតា។ យ៉ាង​ណា​មិញ Real Madrid បាន​ទិញ​ផ្ដាច់​កុងត្រា​របស់ Joselu ពី Espanyol ហើយ​ក្រោយ​មក​បាន​លក់​គាត់​ទៅ​ឲ្យ​ក្លឹប​របស់​កាតា។

ផ្អែក​តាម​សេចក្ដី​រាយការណ៍​ដោយ​លោក Fabrizio Romano បាន​ឲ្យ​ដឹង​ថា ក្លឹប Real Madrid បាន​ចំណាយ​ប្រាក់ 1.5 លានអឺរ៉ូ​ទៅ​ឲ្យ​ក្លឹប Espanyol ហើយ​ក៏​លក់​គាត់​ក្នុង​តម្លៃ​ដដែល​នេះ​ទៅ​ឲ្យ Al-Gharafa។ គេ​បាន​ដឹង​ថា ខ្សែប្រយុទ្ធ Joselu នឹង​ចុះ​ហត្ថលេខា​លើ​កុងត្រា​រយៈពេល 2 ឆ្នាំជា​មួយ​ក្លឹប​ថ្មី​របស់​ខ្លួន។

ប្រភព: Dailysports