បាល់ទាត់អន្តរជាតិ
Real Madrid ចាប់អារម្មណ៍ចង់បានខ្សែការពារកណ្ដាលរបស់ក្រុមជម្រើសជាតិអ៊ីតាលី Calafiori
![](https://x-sportkh.com/wp-content/uploads/2024/06/article-004013-1.jpg)
ក្លឹប Real Madrid កំពុងបង្ហាញចំណាប់អារម្មណ៍លើខ្សែការពារកណ្តាលវ័យ 22 ឆ្នាំ Riccardo Calafiori របស់ក្លឹប Bologna និងក្រុមជម្រើសជាតិអ៊ីតាលី (នេះបើយោងតាមសេចក្ដីរាយការណ៍របស់ La Gazzetta dello Sport)។ យោងតាមប្រភពដដែលបានឲ្យដឹងថា Real Madrid កំពុងពិចារណាទិញយក Calafiori ដែលជាកីឡាករកំពុងបង្ហាញសក្តានុពលនៅក្នុងព្រឹត្តិការណ៍ Euro 2024។
យ៉ាងណាមិញ Calafiori ទើបតែបានចូលរួមជាមួយ Bologna កាលពីដើមរដូវកាលមុននេះប៉ុណ្ណោះ ដោយផ្ទេរពីក្លឹប FC Basel។ ទោះជាយ៉ាងណា គេបានបង្ហាញខ្លួនក្នុងការប្រកួតស្ទើរតែទាំងអស់របស់ក្រុមចំនួន 40 ប្រកួត ដោយរួមចំណែកស៊ុតបញ្ចូលទីបាន 2 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 6 ដង។
បន្ថែមលើសពីនេះ Calafiori ក៏ត្រូវកោះហៅឲ្យចូលក្រុមជម្រើសជាតិអ៊ីតាលី ហើយគាត់បានបង្ហាញខ្លួនគ្រប់ការប្រកួតទាំង 3 ដង នៅក្នុងវគ្គចែកពូល Euro 2024 ផងដែរ។ កុងត្រាបច្ចុប្បន្នរបស់ខ្សែការពារវ័យ 22 ឆ្នាំរូបនេះ ជាមួយក្លឹប Bologna មានសុពលភាពរហូតដល់រដូវក្តៅឆ្នាំ 2027។ យោងតាមការស្ទាបស្ទង់របស់ Transfermarkt បានប៉ាន់ប្រមាណតម្លៃទីផ្សារនៃការលក់ចេញរបស់ខ្សែការពារ Calafiori មានចំនួនប្រហែល 30 លានអឺរ៉ូ។
ប្រភព: Telecomasia
-
បាល់ទាត់អន្តរជាតិ3 days ago
Man City ចង់ចុះហត្ថលេខានាំយកខ្សែប្រយុទ្ធស្លាប Jadon Sancho ត្រឡប់ទៅវិញ
-
បាល់ទាត់អន្តរជាតិ5 days ago
PSG កំពុងពិចារណា ក្នុងការចុះហត្ថលេខាលើអ្នកចាំទីរបស់ក្លឹប Real Madrid
-
បាល់ទាត់អន្តរជាតិ4 days ago
Phil Foden ហោះត្រឡប់ទៅប្រទេសអង់គ្លេសវិញភ្លាមៗ ដើម្បីដោះស្រាយរឿងមួយ