បាល់ទាត់អន្តរជាតិ
Edinson Cavani ប្រកាសចូលនិវត្តន៍ពីក្រុមជម្រើសជាតិ មុនព្រឹត្តិការណ៍ Copa America
ខ្សែប្រយុទ្ធឆ្នើម Edinson Cavani បានប្រកាសចូលនិវត្តន៍ពីការលេងឲ្យក្រុមជម្រើសជាតិអ៊ុយរូហ្គាយហើយ កាលពីម្សិលមិញនេះ។ ដូច្នេះមានន័យថា គាត់នឹងមិនបង្ហាញខ្លួន ក្នុងការប្រកួតដែលតំណាងឲ្យប្រទេសរបស់ខ្លួនក្នុងព្រឹត្តិការណ៍ Copa America ដែលធ្វើឡើងនៅសហរដ្ឋអាមេរិកនារដូវក្តៅនេះទេ។
យ៉ាងណាមិញ អាចនិយាយបានថា Cavani ជាកីឡាករឆ្នើមមួយរូបនៅក្នុងប្រវត្តិសាស្ត្ររបស់ក្រុមជម្រើសជាតិអ៊ុយរូហ្គាយ។ ខ្សែប្រយុទ្ធវ័យ 37 ឆ្នាំរូបនេះ ស៊ុតបញ្ចូលទីសរុបបាន 58 គ្រាប់ ក្នុងការបង្ហាញខ្លួន 136 ប្រកួតសម្រាប់ប្រទេសរបស់ខ្លួន ហើយក៏ធ្លាប់ជាផ្នែកមួយដ៏សំខាន់ ដែលជួយឲ្យអ៊ុយរូហ្គាយឈ្នះពាន Copa America កាលពីឆ្នាំ 2011 ផងដែរ។
នៅក្នុងប្រវត្តិសាស្ត្ររបស់ក្រុមជម្រើសជាតិអ៊ុយរូហ្គាយ Edinson Cavani មានស្ថិតិនៃចំនួនគ្រាប់បាល់ស៊ុតបញ្ចូលច្រើនលំដាប់ទី 2 បន្ទាប់ពីមិត្តរួមសញ្ជាតិ Luis Suarez ដែលរកបានគ្រាប់បាល់ 68 គ្រាប់។ ការប្រកួតចុងក្រោយ ដែលគាត់លេងឲ្យក្រុមជម្រើសជាតិ គឺក្នុងជ័យជម្នះ 2-0 របស់អ៊ុយរូហ្គាយ ទៅលើហ្គាណាក្នុងវគ្គចែកពូលនៃព្រឹត្តិការណ៍ FIFA World Cup ឆ្នាំ 2022។
ប្រភព: Espn
-
បាល់ទាត់អន្តរជាតិ5 days ago
Harry Kane ឆ្លើយតបទៅកាន់អ្នករិះគន់ក្រុមជម្រើសជាតិអង់គ្លេសនៅ Euro 2024
-
បាល់ទាត់អន្តរជាតិ4 days ago
អ៊ីតាលី ឡើងទៅកាន់វគ្គ 16 ក្រុមចុងក្រោយ Euro 2024 ខណៈដែលក្រូអាត ត្រូវវិលត្រឡប់ទៅផ្ទះវិញ
-
បាល់ទាត់អន្តរជាតិ3 days ago
ខ្សែការពារអាឡឺម៉ង់ ដែលធ្លាប់ឈ្នះពាន World Cup កាលពីឆ្នាំ 2014 ប្រកាសចូលនិវត្តន៍ពីបាល់ទាត់