បាល់ទាត់អន្តរជាតិ
Barcelona ត្រៀមចុះហត្ថលេខាលើខ្សែបម្រើឆ្នើមមួយរូប សម្រាប់គ្រូបង្វឹកថ្មីរបស់ខ្លួន
ក្លឹបអ្នកមានបុណ្យ Barcelona ត្រូវបានគេរាយការណ៍ថា បានចាប់អារម្មណ៍ក្នុងការចុះហត្ថលេខាលើកីឡាករឆ្នើមម្នាក់របស់ក្លឹប Everton នៅក្នុងអំឡុងពេលនៃទីផ្សារដោះដូរកីឡាករនារដូវក្តៅខាងមុខនេះ។ ក្លឹបយក្សកាតាឡាន់ទើបតែដោះស្រាយបញ្ហារបស់ពួកគេក្នុងការរកអ្នកជំនួសតំណែងរបស់ Xavi ជាមួយនឹងការតែងតាំងគ្រូបង្វឹកសញ្ជាតិអាឡឺម៉ង់លោក Hansi Flick។
គេបានដឹងថា លោក Hansi Flick បានចុះកុងត្រារយៈពេល 2 ឆ្នាំ ជាមួយ Barcelona ហើយគ្រូបង្វឹកវ័យ 59 ឆ្នាំរូបនេះ កំពុងកំណត់យុទ្ធសាស្ត្រលើការផ្ទេរកីឡាករមួយចំនួនមក Camp Nou ផងដែរ។ យោងតាមរបាយការណ៍ពីកាសែត Football Insider បានឲ្យដឹងថា Barcelona កំពុងត្រៀមបង្កើនចំណាប់អារម្មណ៍កាន់តែខ្លាំងរបស់ពួកគេទៅលើ Amadou Onana ដែលពួកគេធ្លាប់បានតាមឃ្លាំមើលជាយូរមកហើយ។
ទោះជាយ៉ាងណាក៏ដោយខ្សែបម្រើរូបនេះ ក៏ត្រូវបាន Bayern Munich និង Paris Saint-Germain ចាប់អារម្មណ៍ចង់បានដូចគ្នា។ Amadou Onana គឺជាខ្សែបម្រើដ៏សំខាន់ និងលេចធ្លោរបំផុតរបស់ក្លឹប Everton ក្នុងរយៈពេលប៉ុន្មានរដូវកាលមកនេះ ហើយតម្លៃខ្លួនរបស់គាត់បច្ចុប្បន្នមានតម្លៃប្រហែលជា 50 លានអឺរ៉ូ។
ប្រភព: Sportsmole
-
បាល់ទាត់អន្តរជាតិ5 days ago
អ៊ីតាលី ឡើងទៅកាន់វគ្គ 16 ក្រុមចុងក្រោយ Euro 2024 ខណៈដែលក្រូអាត ត្រូវវិលត្រឡប់ទៅផ្ទះវិញ
-
បាល់ទាត់អន្តរជាតិ4 days ago
ខ្សែការពារអាឡឺម៉ង់ ដែលធ្លាប់ឈ្នះពាន World Cup កាលពីឆ្នាំ 2014 ប្រកាសចូលនិវត្តន៍ពីបាល់ទាត់
-
បាល់ទាត់អន្តរជាតិ5 days ago
Real Madrid ជិតឈានដល់កិច្ចព្រមព្រៀងចុះហត្ថលេខាលើខ្សែបម្រើជំនាញជើងឆ្វេងមួយរូបរបស់អាហ្សង់ទីន