បាល់ទាត់អន្តរជាតិ
Liverpool និងក្លឹបធំៗជាច្រើនកំពុងចង់បានខ្សែការពារ Rayan Ait-Nouri
ខ្សែការពារគឺជាអ្វីដែល Liverpool ត្រូវយកចិត្តទុកដាក់ជាពិសេសនៅមុនរដូវកាលថ្មីចាប់ផ្ដើម ហើយគ្រូបង្វឹកថ្មីរបស់ពួកគេលោក Arne Slot បានកំណត់បេក្ខភាពដែលខ្លួនចង់បានរួចហើយ ដើម្បីពង្រឹងនៅតំបន់ការពារក្រោម។ យោងទៅតាមរបាយការណ៍ពី Goal បានឲ្យដឹងថា Liverpool បានត្រៀមខ្លួនរួចជាស្រេច ក្នុងការប្រជែងជាមួយ Manchester City និង Chelsea សម្រាប់ការចុះហត្ថលេខាលើខ្សែការពារមួយរូប។
យ៉ាងណាមិញ សម្រាប់កីឡាករដែលក្លឹបធំៗ រួមទាំង Liverpool ចង់បាននោះគឺ ខ្សែការពារឆ្វេង Rayan Ait-Nouri របស់ក្លឹប Wolverhampton។ ដោយឡែកគេជឿថា Arne Slot ចង់ចុះហត្ថលេខាលើខ្សែការពារឆ្វេងថ្មីម្នាក់ ដើម្បីបន្ថែមការប្រកួតប្រជែងជាមួយ Andy Robertson ក៏ដូចជាសម្រាប់ជំនួសកីឡាកររូបនេះពេលគេមានរបួសផងដែរ។
មានសេចក្ដីរាយការណ៍ចុងក្រោយមួយបានឲ្យដឹងថា Manchester City ក៏ពេញចិត្តខ្លាំងចំពោះខ្សែការពារវ័យ 22 ឆ្នាំរូបនេះដែរ ហើយពួកគេក៏មានឱកាសខ្ពស់ទៀតផង ដោយសារតែ Man City មានទំនាក់ទំនងល្អជាមួយលោក Jorge Mendes ដែលជាភ្នាក់ងាររបស់ Ait-Nouri។ ទោះជាយ៉ាងណា ពេលនេះ Wolverhampton បានដាក់តម្លៃខ្លួន Ait-Nouri ខ្ទង់ 70 លានអឺរ៉ូ។
ប្រភព: Dailysports
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
