បាល់ទាត់អន្តរជាតិ
Juventus កំពុងត្រៀមចរចាផ្ទេរខ្សែការពារមួយរូបរបស់ក្លឹបកាំភ្លើងធំ Arsenal
ក្លឹបសេះបង្កង់ Juventus ត្រូវបានគេរាយការណ៍ថា បានកំណត់មុខសញ្ញារបស់ពួកគេទៅលើខ្សែការពាររបស់ក្លឹបកាំភ្លើងធំ Arsenal ជាគោលដៅផ្ទេរដែលអាចកើតឡើងនាពេលឆាប់ៗខាងមុខ។ ក្លឹបយក្សរបស់អ៊ីតាលី Juventus ទើបតែបានបញ្ចប់យុទ្ធនាការរដូវកាលមុនក្រោមការដឹកនាំរបស់លោក Massimiliano Allegri ដោយទទួលបានចំណាត់ថ្នាក់លេខ 3 ក្នុងក្របខ័ណ្ឌ Serie A ដែលធ្វើឲ្យពួកគេទទួលបានកៅអីដើម្បីត្រឡប់ទៅមកកាន់ក្របខ័ណ្ឌ UEFA Champions League វិញ។
ទោះបីជាយ៉ាងណាក៏ដោយ Massimiliano Allegri ត្រូវបានបណ្តេញចេញពីតំណែង និងជំនួសមកវិញដោយ Thiago Motta ដែលជាអតីតគ្រូបង្វឹករបស់ក្លឹប Bologna។ ជាលទ្ធផលបន្ទាប់ពីការតែងតាំងគ្រូបង្វឹកថ្មី Juventus ឥឡូវនេះកំពុងព្យាយាមយ៉ាងសកម្ម ក្នុងការស្វែងរកកីឡាករដែលមានទេពកោសល្យ ដើម្បីត្រៀមប្រកួតប្រជែងនៅរដូវកាលក្រោយ។
គេបានដឹងថា Juventus កំពុងដំណើរការជិតឈានដល់ចំណុចសម្រេចបាន ដើម្បីចុះហត្ថលេខាលើខ្សែបម្រើ Douglas Luiz របស់ក្លឹប Aston Villa។ ផ្សេងពីនេះទៀត យោងតាមរបាយការណ៍ពី Tuttojuve បានឲ្យដឹងថា ក្លឹបសេះបង្កង់ Juventus ក៏ពេញចិត្តជាខ្លាំងលើខ្សែការពារកណ្ដាល Jakub Kiwior។ កន្លងមកខ្សែការពារសញ្ជាតិប៉ូឡូញរូបនេះ ក៏ធ្លាប់បានចំណាយពេល 18 ខែផងដែរ ក្នុងប្រទេសអ៊ីតាលី ចន្លោះខែកក្កដា ឆ្នាំ 2021 ដល់ខែមករា ឆ្នាំ 2023 ដោយលេងឲ្យក្លឹប Spezia Calcio។
ប្រភព: Sportsmole
Man City ចង់បានខ្សែប្រយុទ្ធសំខាន់ម្នាក់របស់ Barcelona
Szczesny អាចនឹងត្រូវបានប្រើប្រាស់ជាជម្រើសដំបូង ក្នុងការប្រកួតទល់នឹង Benfica រំលងអាធ្រាតនេះ!!!
Keylor Navas ត្រៀមចុះហត្ថលេខាចូលរួមជាមួយអតីតក្លឹបកាលពីកុមារភាពរបស់ Messi
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
