អតីត​គ្រូ​បង្វឹក​មួយ​រូប​​អះអាង​ថា Toni Kroos ចូល​និវត្តន៍ ព្រោះ​វត្តមាន​របស់ Kylian Mbappe

អតីត​គ្រូ​បង្វឹក​សញ្ជាតិ​អាឡឺម៉ង​ដែល​ធ្លាប់​ដឹកនាំ​ក្លឹប Real Madrid លោក Bernd Schuster បាន​បង្ហាញ​ពី​ទស្សនៈ​យល់​ឃើញ​ផ្ទាល់​ខ្លួន​របស់គាត់​ដោយ​ប្រាប់​ទៅ​កាន់ DiarioSport អំពី​បរិបទ​ផ្លាស់ប្ដូរ​មួយ​នៅ​ក្លឹប Real Madrid បច្ចុប្បន្ន បន្ទាប់​ពី​ការ​ចុះហត្ថលេខា​លើ​ខ្សែប្រយុទ្ធ Kylian Mbappe។

ក្លឹប​អធិរាជស Real Madrid បាន​ប្រាប់​ទៅ​កីឡាករ​របស់​ខ្លួន​អំពី​ការ​ចុះ​ហត្ថលេខា​លើ​​ខ្សែប្រយុទ្ធ​ចំណូល​ថ្មី​នៅ​ក្រោយ​ចប់​ព្រឹត្តិការណ៍ Euro 2024 ដែល​កីឡាករ​រូប​នោះ​គឺ Kylian Mbappe។ ស្រប​ពេល​នោះ​ដែរ ខ្សែ​បម្រើ​វ័យ 34 ឆ្នាំ Toni Kroos ដែល​បាន​លេង​ឲ្យ Real Madrid តាំង​ពី ខែ​កក្កដា ឆ្នាំ 2014 ក៏​សម្រេច​ចិត្ត​ចូល​និវត្តន៍​ពី​បាល់ទាត់ បន្ទាប់​ពី​ចប់ Euro 2024។

មាន​ការ​សង្កេត​ឃើញ​ថា Toni Kroos ហាក់​ដូច​ជា​ចង់​ចាកចេញ​ពី​ក្រុម បន្ទាប់​ពី​ដឹង​ថា Kylian Mbappe នឹង​ចូលរួម​ជាមួយ Real Madrid នៅ​រដូវកាល​ក្រោយ។ លោក Bernd Schuster បាន​និយាយ​កាល​ពី​ពេល​ថ្មីៗ​នេះ​ផង​ដែរ​ថា៖ “Mbappe នឹង​មក​ដល់​ទីនេះ ប៉ុន្តែ​ពួកគេ​បាន​បាត់បង់ Kroos… គ្រប់គ្នា​កំពុង​ភ្លេច​ថា វា​ជា​បញ្ហា​របស់ Real Madrid។ ខ្ញុំ​មាន​ការ​ងឿង​ឆ្ងល់​អំពី​ខ្សែបម្រើ​របស់ Real Madrid ពីព្រោះ Kroos ពិត​ជា​មាន​សារៈ​សំខាន់​ខ្លាំង​ណាស់ តាម​របៀប​ដែល​គាត់បង្ហាញ​ខ្លួន​នៅ​ក្នុង​ការ​ប្រកួត”។

ប្រភព: Telecomasia