បាល់ទាត់អន្តរជាតិ
បិសាចក្រហម កំពុងស្វែងរកឱកាសផ្ទេរខ្សែប្រយុទ្ធវ័យក្មេងនៅលីគអូទ្រីស
ក្លឹបបិសាចក្រហម Manchester United ត្រូវបានគេរាយការណ៍ថា បានពិភាក្សាជាមួយអ្នកតំណាងរបស់កីឡាករវ័យក្មេងសញ្ជាតិអូទ្រីស Oghenetejiri Adejenughure ដែលការពិភាក្សានោះគឺពាក់ព័ន្ធនឹងការចុះហត្ថលេខាផ្ទេរកីឡាករឆ្នើមរូបនេះទៅកាន់ទឹដី Old Trafford។
កីឡាករវ័យ 17 ឆ្នាំ Adejenughure បច្ចុប្បន្នត្រូវបានចុះឈ្មោះជាមួយក្រុមឈុតធំរបស់ក្លឹប Red Bull Salzburg រួចហើយ បើទោះបីជាគាត់មិនទាន់ត្រូវបានប្រូម៉ូតឡើងមកលេងជាមួយឈុត A របស់ក្លឹបអូទ្រីសមួយនេះក៏ដោយ។ កាលពីរដូវកាលមុន Adejenughure ស៊ុតបញ្ចូលទីបាន 16 គ្រាប់ ក្នុងការបង្ហាញខ្លួន 20 ប្រកួត នៅឈុតយុវជនអាយុក្រោម 18 ឆ្នាំកាលពីរដូវកាលមុន។
ក្លឹបជាច្រើនរួមទាំង AC Milan និង Borussia Dortmund ត្រូវបានគេនិយាយថា កំពុងតាមដានលើខ្សែប្រយុទ្ធឆ្នើមរូបនេះ ប៉ុន្តែបើយោងតាមកាសែត The Express បានអះអាងថា ក្លឹបបិសាចក្រហម Manchester United ពិតជាបានចាប់អារម្មណ៍ខ្លាំងជាងក្លឹបផ្សេងៗទៀតលើ Adejenughure។ បិសាចក្រហម កំពុងសម្លឹងមើលឃើញថា Adejenughure នឹងមានអនាគតលេចធ្លោរដូចពេលដែលពួកគេវិនិយោគលើ Alejandro Garnacho និង Kobbie Mainoo ជាដើម។
ប្រភព: Sportsmole
-
បាល់ទាត់អន្តរជាតិ4 days ago
រឿងរ៉ាវប្លែកៗ និងគួរឲ្យចាប់អារម្មណ៍មួយចំនួនដែលអ្នកមិនធ្លាប់ដឹងពី Jack Grealish
-
បាល់ទាត់អន្តរជាតិ5 days ago
ក្លឹបជាច្រើនកំពុងតម្រង់ជួរគ្នាដើម្បីរងចាំការដេញថ្លៃលើ Xavi Simons
-
បាល់ទាត់អន្តរជាតិ5 days ago
ក្លឹបធំៗ 2 ចាប់អារម្មណ៍ចង់បានខ្សែប្រយុទ្ធវ័យក្មេងរបស់ Barcelona