បាល់ទាត់អន្តរជាតិ
UEFA កំពុងស៊ើបអង្កេតលើ Demiral ដែលធ្វើរឿងមិនប្រក្រតីមួយនៅក្នុងការប្រកួតទល់នឹងអូទ្រីស
![](https://x-sportkh.com/wp-content/uploads/2024/07/article-004030-1.jpg)
បន្ទាប់ពីការប្រកួតរវាងអូទ្រីស និងទួរគី ដែលបញ្ចប់ទៅដោយលទ្ធផល 2-1 ខ្សែការពាររបស់ក្រុមជម្រើសជាតិទួរគី Merih Demiral បានក្លាយជាវីរបុរស សម្រាប់ក្រុមរបស់គាត់ដោយស៊ុតបញ្ចូលទីគ្រាប់បាល់ទាំង 2 គ្រាប់។ ប៉ុន្តែទង្វើមិនធម្មតាមួយ របស់ខ្សែការពារកណ្តាលរូបនេះបានធ្វើឲ្យ UEFA ចាប់អារម្មណ៍។
យោងតាមគេហទំព័ររបស់ UEFA បានឲ្យដឹងថា ពួកគេបានធ្វើការស៊ើបអង្កេតមួយចំពោះខ្សែការពារ Merih Demiral ដោយសារតែអាកប្បកិរិយាមិនសមរម្យរបស់គាត់។ យ៉ាងណា ខ្លឹមសារនៃការអះអាងរបស់ UEFA មិនត្រូវបានបង្ហាញឲ្យដឹងនោះទេ ប៉ុន្តែក្នុងអំឡុងពេលប្រកួតនោះ គេសម្គាល់ឃើញ Demiral បានបង្ហាញកាយវិការដែលមានន័យថា “ការសំពះរបស់ឆ្កែចចក”។
ដំបូងឡើយ UEFA មិនបានដឹងពីរឿងនេះនោះទេ ប៉ុន្តែកីឡាករវ័យ 26 ឆ្នាំរូបនេះ បានបង្ហោះរូបភាពនៃកាយវិការរបស់ខ្លួនដោយចៃដន្យនៅលើ Instagram របស់គាត់ ដែលកាយវិការនោះត្រូវបានហាមប្រាមយ៉ាងដាច់ខាតនៅក្នុងប្រទេសអូទ្រីស។ កាយវិការរបស់ Demiral គឺជាការផ្សារភ្ជាប់ជាមួយនឹងអង្គការ Bozkurt ជាគណបក្សចលនាជាតិនិយមរបស់ទួរគី និង Pan-Turkism ដែលជាវប្បធម៌, ការសិក្សា និងទស្សនវិជ្ជានយោបាយតស៊ូមតិរួបរួមរបស់ប្រជាជនទួរគី។
ទង្វើររបស់ Merih Demiral ត្រូវបានគេសន្និដ្ឋានថា ហួសព្រំដែនរបស់កីឡាបាល់ទាត់ ខណៈដែលកន្លងមកទាំង FIFA និង UEFA ក៏ដូចជាអង្គភាពបាល់ទាត់ធំៗបានហាមឃាត់ដាច់ខាត ការយកកីឡាបាល់ទាត់ទៅពាក់ព័ន្ធនឹងនយោបាយ។
ប្រភព: Dailysports
-
បាល់ទាត់អន្តរជាតិ5 days ago
Luciano Spalletti នឹងមិនត្រូវបណ្ដេញចេញពីតំណែងជាគ្រូបង្វឹកក្រុមជម្រើសជាតិអ៊ីតាលីទេ ទោះមានស្ថិតិនៃការដឹកនាំមិនសូវល្អក៏ដោយ
-
បាល់ទាត់អន្តរជាតិ4 days ago
ផ្លូវការណ៍៖ Aston Villa ប្រកាសចុះហត្ថលេខាលើខ្សែបម្រើ Ross Barkley
-
បាល់ទាត់អន្តរជាតិ4 days ago
Cristiano Ronaldo ប៉េណាល់ទីអត់ចូល ប៉ុន្តែព័រទុយហ្គាល់ នៅតែឡើងទៅវគ្គ 8 ក្រុមចុងក្រោយ