Juventus ចាយលុយ 41 លានអឺរ៉ូ ទិញ​យក​ខ្សែការពារ​ម្នាក់​មក​ជំនួស De Ligt

កាល​ពី​ម្សិល​មិញ​នេះ ក្លឹប​សេះ​បង្កង់ Juventus បាន​ប្រកាស​ពី​ខ្សែការពារ​ចំណូល​ថ្មី​របស់​ខ្លួនគឺ​កីឡាករ Gleison Bremer។ ខ្សែការពារ​រូប​នេះ ត្រូវ​បាន​ក្លឹប Juventus ចំណាយ​ប្រាក់ 41 លានអឺរ៉ូ ដើម្បី​ផ្ទេរ​មក​ពី​ក្លឹប Torino។

Gleison Bremer គឺ​ជា​កីឡាករ​ដ៏​សាកសម​បំផុត​របស់​ក្លឹប​យក្ស​អ៊ីតាលី​មួយ​នេះ បន្ទាប់​ពី​ពួក​គេ​បាន​បាត់​បង់ Matthijs de Ligt ដែល​ផ្ទេរ​ទៅ Bayern Munich។ Gleison Bremer ជា​ខ្សែការពារ​សញ្ជាតិ​ប្រេស៊ីល​ដែល​មានវ័យ 25 ឆ្នាំ និង​មាន​មាឌធំ កម្ពស់ 1,88 ម៉ែត្រ។

មុន​ពេល​ផ្ទេរ​ទៅ​ចូល​រួម​ជា​មួយ Juventus មាន​ក្លឹប​ធំៗ​មួយ​ចំនួន​នៅ​ក្របខ័ណ្ឌ Premier League ដូច​ជា Chelsea, Tottenham និង Arsenal ក៏​ត្រូវ​បាន​គេ​រាយការណ៍​ថា ចង់​ចុះ​ហត្ថលេខា​ផ្ទេរ​ខ្សែការពារ​រូប​នេះ​ដែរ។

ប្រភព: The42.ie