បាល់ទាត់អន្តរជាតិ
Juventus ចាប់អារម្មណ៍ចង់ចុះហត្ថលេខាលើខ្សែប្រយុទ្ធស្លាប Mason Greenwood
ក្លឹបសេះបង្កង់ Juventus ត្រូវបានគេរាយការណ៍ថា បានក្លាយជាក្លឹបដែលចាប់អារម្មណ៍ក្នុងការចុះហត្ថលេខាលើខ្សែប្រយុទ្ធរបស់ក្លឹបបិសាចក្រហម Manchester United គឺកីឡាករ Mason Greenwood នៅក្នុងអំឡុងពេលទីផ្សារដោះដូរកីឡាករនារដូវក្តៅខាងមុខ។
យ៉ាងណាមិញ កីឡាករវ័យ 22 ឆ្នាំរូបនេះ បច្ចុប្បន្នកំពុងខ្ចីជើងនៅក្នុងប្រទេសអេស្ប៉ាញជាមួយក្លឹប Getafe។ ទម្រង់លេងរបស់ Mason Greenwood ដែលបង្ហាញខ្លួននៅលីគកំពូល La Liga បានទទួលការចាប់អារម្មណ៍យ៉ាងខ្លាំង ក្នុងរដូវកាលនេះ ដោយគាត់បានស៊ុតបញ្ចូលទីបាន 8 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 5 ដង។
ជុំវិញអនាគតរបស់កីឡាករសញ្ជាតិអង់គ្លេសរូបនេះ កំពុងស្ថិតក្នុងស្ថានភាពមិនច្បាស់លាស់ ខណៈដែលគាត់មិនចង់វិញត្រឡប់ទៅ Old Trafford វិញឡើយ ពេលចប់លក្ខខណ្ឌខ្ចីជើងជាមួយក្លឹបបច្ចុប្បន្នរបស់ខ្លួន។ ស្របពេលជាមួយគ្នានោះ Greenwood ក៏ត្រូវបានក្លឹបជាច្រើនចាប់អារម្មណ៍ចង់បានផងដែរ។
ក្លឹប Atletico Madrid ត្រូវបានគេជឿថា កំពុងចង់បានកីឡាករវ័យ 22 ឆ្នាំរូបនេះ ប៉ុន្តែសម្រាប់ Barcelona ដែលធ្លាប់ចង់បានខ្សែប្រយុទ្ធរូបនេះដែរកាលពីមុនមកនោះ បានបោះបង់ហើយ។ ផ្ទុយមកវិញ យោងតាមសារព័ត៌មាន Gazzetta dello Sport បានឲ្យដឹងថា Juventus នឹងត្រៀមកញ្ចប់ថវិកាដើម្បីចរចាផ្ទេរ Greenwood ដោយពួកគេចាត់ទុកគាត់ថាជាអាទិភាពដែលក្លឹបនឹងចុះហត្ថលេខាមុនគេនៅរដូវក្ដៅនេះ។
ប្រភព: Sportsmole
-
បាល់ទាត់អន្តរជាតិ2 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ3 days ago
PSG ត្រៀមចាយលុយ 100 លានអឺរ៉ូ ដើម្បីចុះហត្ថលេខាលើខ្សែការពាររបស់ក្លឹប Benfica
-
បាល់ទាត់អន្តរជាតិ3 days ago
Man United និង Arsenal បរាជ័យក្នុងការចុះហត្ថលេខាលើខ្សែប្រយុទ្ធឆ្នើមមួយរូបរបស់ក្លឹប Inter Milan