បាល់ទាត់អន្តរជាតិ
Jules Kounde បដិសេធផ្ទេរទៅ Chelsea បន្ទាប់ពីទទួលបានការបញ្ចុះបញ្ចូលពីលោក Xavi
ខ្សែការពារ Jules Kounde បានសម្រេចចិត្តបដិសេធការផ្ទេរទៅលេងនៅក្លឹបតោខៀវ Chelsea ហើយកំពុងរង់ចាំ Barcelona បញ្ចប់កិច្ចព្រមព្រៀងផ្ទេរគាត់ជាមួយ Sevilla នេះបើយោងតាមរបាយការណ៍នៅក្នុងប្រទេសអេស្ប៉ាញបានចុះផ្សាយ។
ក្លឹបតោខៀវ Chelsea បានយល់ព្រមលើកិច្ចព្រមព្រៀងតម្លៃ 55 លានផោនជាមួយ Sevilla កាលពីដើមសប្តាហ៍នេះ ខណៈដែល Kounde ក៏បានយល់ព្រមចុះកុងត្រារយៈពេល 5 ឆ្នាំជាមួយនឹងក្រុមរបស់លោក Thomas Tuchel ផងដែរ។
ទោះជាយ៉ាងណា អ្វីៗបានក្រឡាប់ចក្រត្រឹមតែមួយពព្រិចភ្នែក ដោយយោងតាមសារព័ត៌មាន AS បានឲ្យដឹងថា លោក Xavi ដែលជាគ្រូបង្វឹករបស់ក្លឹប Barcelona គឺផ្នែកមួយដែលមានឥទ្ធិពលបំផុត ក្នុងការបញ្ចុះបញ្ចូល Kounde ឲ្យប្រែចិត្តពីការចូលរួមជាមួយ Chelsea មកចូលរួមជាមួយ Barcelona វិញ ខណៈដែលគ្រូបង្វឹករូបនេះបានប្រាប់ខ្សែការពារសញ្ជាតិបារាំង Jules Kounde ថា គាត់មានគម្រោងវែងឆ្ងាយជាមួយគាត់នៅ Camp Nou។
របាយការណ៍ដដែលនោះបានអះអាងថា Kounde ទទួលបានការខលតាមទូរស័ព្ទដោយផ្ទាល់ពីលោក Xavi Hernandez ដោយគ្រូបង្វឹករូបនេះ ក៏បាននិយាយបញ្ចុះបញ្ចូលគាត់តែម្ដង។ បន្តពីនោះមក Kounde បានកោតសរសើរ និងរំភើបចំពោះអ្វីដែល Xavi បានបង្ហាញដល់ គាត់។ ឥឡូវនេះ Barcelona កំពុងរៀបចំសំណើរ 55 លានអឺរ៉ូ ទៅកាន់ Sevilla សម្រាប់ Kounde ហើយកិច្ចព្រមព្រៀងនឹងអាចឈានទីបញ្ចប់ទៅឆាប់ៗខាងមុខនេះ។
ប្រភព: Metro
-
បាល់ទាត់អន្តរជាតិ3 days ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ3 days ago
Unai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ2 days ago
PSG ត្រៀមចាយលុយ 100 លានអឺរ៉ូ ដើម្បីចុះហត្ថលេខាលើខ្សែការពាររបស់ក្លឹប Benfica