បាល់ទាត់អន្តរជាតិ
ក្លឹបយក្ស 2 នៅអង់គ្លេស ត្រៀមចរចាផ្ទេរ Jules Kounde នាចុងបញ្ចប់នៃរដូវកាលនេះ!!!
ក្លឹបចំនួន 2 នៅក្របខ័ណ្ឌ Premier League នៃប្រទេសអង់គ្លេសបានដាក់គោលដៅលើខ្សែការពារ Jules Kounde របស់ Barcelona។ យោងតាមរបាយការណ៍ពី Barcacentre បានអះអាងថា ទាំង Manchester United និង Chelsea គឺកំពុងចាប់អារម្មណ៍លើការចំណាយប្រាក់ទិញខ្សែការពារសញ្ជាតិបារាំងវ័យ 25 ឆ្នាំរូបនេះនៅចុងបញ្ចប់នៃរដូវកាលខាងមុខ។
គេបានដឹងថា ក្លឹបទាំង 2 ដែលមាន Manchester United និង Chelsea សុទ្ធតែត្រូវការពង្រឹងបន្ថែមនៅតំបន់ការពាររបស់ខ្លួន ខណៈដែល Jules Kounde នឹងអាចត្រូវបានលក់ចេញ ប្រសិនបើ Barcelona ទទួលបានសំណើរជាទឹកប្រាក់ដែលអាចឲ្យពួកគេពេញចិត្ត។
គួរដឹងផងដែរថា Jules Kounde បានលេងឲ្យក្លឹបកាតាឡាន់តាំងពីខែកក្កដា ឆ្នាំ 2022។ ក្នុងអំឡុងពេលនោះ Barcelona បានចំណាយប្រាក់ 50 លានអឺរ៉ូទិញគាត់ពីក្លឹប Sevilla។ គាត់នៅតែជាកីឡាករសំខាន់របស់ក្លឹបនាពេលបច្ចុប្បន្ន ដោយនៅរដូវកាលនេះគាត់បង្ហាញខ្លួនបាន 36 ប្រកួត ដោយស៊ុតបញ្ចូលទីបាន 2 គ្រាប់ និងបញ្ជូនបាល់ឲ្យមិត្តរួមក្រុមបាន 4 ដង។
ប្រភព: Dailysports
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ2 days ago
Pep Guardiola កំពុងពិចារណាលើអនាគតរបស់ Joao Cancelo