បាល់ទាត់អន្តរជាតិ
Rashford និង Jadon Sancho ត្រៀមទទួលការកោះហៅឲ្យចូលក្រុមជម្រើសជាតិអង់គ្លេសវិញ
ខ្សែប្រយុទ្ធ Marcus Rashford និង Jadon Sancho កំពុងត្រៀមខ្លួនរួចជាស្រេច ក្នុងការវិលត្រឡប់ទៅចូលរួមជាមួយក្រុមជម្រើសជាតិអង់គ្លេសវិញ បន្ទាប់ពីខកខានអស់រយៈពេលជិតមួយឆ្នាំ។ អ្នកទាំងពីរបានលេងក្នុងការប្រកួតជាច្រើននៅព្រឹត្តិការណ៍យូរ៉ូ កាលពីឆ្នាំមុន ប៉ុន្តែពួកគេបានបរាជ័យក្នុងការបង្ហាញសមត្ថភាពនៅក្លឹប Manchester United នៅរដូវកាលបន្ទាប់។ ក្រោយមកទៀតពួកគេត្រូវបានលោក Gareth Southgate ជម្រុះចេញពីក្រុមជម្រើសជាតិអង់គ្លេស។
យ៉ាងណាមិញ អ្វីៗបានប្រសើរឡើងខ្លាំងសម្រាប់ Marcus Rashford និង Jadon Sancho នៅរដូវកាលនេះ ក្រោមការដឹកនាំរបស់គ្រូបង្វឹកថ្មីលោក Erik ten Hag ហើយអ្នកទាំងពីរ បានក្លាយជាជម្រើស 11 នាក់ដំបូងសម្រាប់ក្រុម គ្រប់ប្រកួតរបស់បិសាចក្រហម។ Jadon Sancho រកបានពីរគ្រាប់ក្នុងការបង្ហាញខ្លួន 6 ប្រកួត ខណៈដែល Rashford រកបាន 3 គ្រាប់ និង Assists បានពីរដង។
ដោយគិតពីគុណសម្បត្តិកន្លងមក របាយការណ៍ពីកាសែត Daily Mail បានលើកឡើងថា កីឡាករពីររបស់ក្លឹបបិសាចក្រហម Manchester United គ្រោងនឹងត្រូវបានកោះហៅឲ្យចូលក្រុមតោកំណាចអង់គ្លេសវិញ សម្រាប់ជំនួប Nations League ជាមួយក្រុមជម្រើសជាតិអ៊ីតាលី និងអាឡឺម៉ង់នាពេលខាងមុខ។
ដោយឡែកសម្រាប់កីឡាករ Jarrod Bowen របស់ក្លឹប West Ham អាចនឹងត្រូវបានដកឈ្មោះចេញពីក្រុមជម្រើសជាតិវិញ ដោយសារការចាប់ផ្តើមមិនសូវល្អរបស់គាត់ក្នុងរដូវកាលនេះ។ ខ្សែបម្រើស្លាប Jarrod Bowen មិនទាន់អាចរកគ្រាប់បាល់ និង Assists សូម្បីតែមួយ ក្នុងការប្រកួតបើកឆាក Premier League ចំនួនប្រាំមួយលើករបស់ក្លឹប West Ham។
ប្រភព: 90 Min
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
