បាល់ទាត់អន្តរជាតិ
បិសាចក្រហម បញ្ចេញតម្លៃលក់ Sancho ជាថ្មីម្ដងទៀត
ទោះជាពេលនេះ Jadon Sancho កំពុងខ្ចីជើងជាមួយ Borussia Dortmund ក៏ដោយ ក៏ក្លឹបបិសាចក្រហមនៅតែព្យាយាមស្វែងរកឱកាសក្នុងការលក់គាត់ចេញនាចុងបញ្ចប់នៃរដូវកាលនេះ។ ជាថ្មីម្ដងទៀត ក្លឹបបិសាចក្រហម Manchester United បានបញ្ចេញតម្លៃលក់កីឡាករសញ្ជាតិអង់គ្លេសរូបនេះ ដែលទាបជាងតម្លៃដែលពួកគេចង់បានកាលពីមុន។
យោងតាមសេចក្ដីរាយការណ៍ពី Football Insider បានឲ្យដឹងថា ខ្សែប្រយុទ្ធស្លាបវ័យ 23 ឆ្នាំរូបនេះ ត្រូវបានបិសាចក្រហមចង់លក់ទៅឲ្យក្លឹប Borussia Dortmund ចន្លោះពី 40 ទៅ 50 លានផោនប៉ុណ្ណោះ ដែលនេះគឺជាចំនួនតិចជាង 85 លានអឺរ៉ូ ដែល Manchester United បានទិញគាត់ពី Borussia Dortmund នារដូវក្តៅឆ្នាំ 2021។
គេបានដឹងថា នៅមុននេះបន្តិច ប្រធានផ្នែកកីឡារបស់ក្លឹប Borussia Dortmund លោក Sebastian Kehl បានឲ្យដឹងថា ក្លឹបរបស់លោកនឹងទទួលយកជម្រើសទិញយក Jadon Sancho មកវិញ ដែលវាអំណោយផលដល់ផ្នែកសេដ្ឋកិច្ចសម្រាប់ក្លឹប ស្របពេលដែលខ្សែប្រយុទ្ធស្លាបរូបនេះនៅតែមានទម្រង់លេងដ៏គួរឲ្យចាប់អារម្មណ៍ផងដែរ។
ប្រភព: Dailysports
កំពុងឡើងជើងខ្លាំង និងត្រូវបានក្លឹបធំៗចាប់អារម្មណ៍ផងនោះ កីឡាកររូបនេះបែរជាត្រូវសម្រាកពីបាល់ទាត់រយៈពេល 1 ឆ្នាំ
Inter Miami កំពុងចរចាផ្ទេរមិត្តរួមក្រុមជម្រើសជាតិអាហ្សង់ទីនរបស់ Messi
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
