បាល់ទាត់អន្តរជាតិ
Xavi សរសើរកីឡាករចំណូលថ្មីរូបនេះថា ប្រៀបដូចជាកាដូដែលទេវតាប្រទាន
គ្រូបង្វឹករបស់ក្លឹប Barcelona លោក Xavi Hernandez បានសរសើរពីទម្រង់លេងរបស់ខ្សែបម្រើ Ilkay Gundogan បន្ទាប់ពីក្រុមរបស់ខ្លួនបានឈ្នះនៅក្នុងការប្រកួតបើកឆាក UEFA Champions League 5 ទល់នឹង 0 ទៅលើក្រុមភ្ញៀវមកពីលីគបែលហ្ស៊ិក Royal Antwerp កាលម្សិលមិញ។
Xavi Hernandez បាននិយាយថា Ilkay Gundogan ដែលបានចូលរួមជាមួយ Barcelona ដោយផ្ទេរពី Manchester City នៅរដូវក្ដៅនេះ គឺជាអំណោយពីព្រះ រឺជាកាដូដែលទេវតាប្រទាន។ លើសពីនេះទៀត Xavi បានបន្ថែមទៀតថា កីឡាករសញ្ជាតិអាឡឺម៉ង់រូបនេះ ជាកីឡាករបាល់ទាត់ដ៏អស្ចារ្យម្នាក់។
ក្រោយចប់ការប្រកួតដែល Barcelona បានទទួលជោគជ័យដ៏ធំធេងពីក្លឹប Royal Antwerp នោះ Xavi Hernandez បានប្រាប់ Marca ថា៖ “គាត់ [Gundogan] គឺដូចគ្នានឹង Gavi ដែរ គាត់អាចលេងនៅខាងស្តាំ, ឆ្វេង នៅតំបន់បម្រើបាន… នៅពេលដែលគាត់មានបាល់លេងច្រើន អ្វីៗនឹងប្រសើរឡើង។ គាត់ជាអំណោយដែលបានធ្លាក់ចុះមកពីស្ថានសួគ៌។ គាត់គឺជាកីឡាករបាល់ទាត់ដ៏អស្ចារ្យម្នាក់។ វាពិតជាអស្ចារ្យណាស់ ដែលយើងទទួលបានគាត់”។
ប្រភព: Dailypost NG
-
បាល់ទាត់អន្តរជាតិ2 days ago
អតីតកីឡាករមួយរូបរបស់ Barcelona បន្លំឲ្យប្អូនភ្លោះរបស់ខ្លួនចូលលេងជំនួស ដើម្បីជួយក្រុម!!!
-
បាល់ទាត់អន្តរជាតិ2 days ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ1 day ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa