បាល់ទាត់អន្តរជាតិ
Man United ទាក់ទងទៅ Barcelona ដោយចង់បោះទុន 80 លានអឺរ៉ូ ដើម្បីនាំយក Araujo មកទឹកដីអង់គ្លេស
អនាគតរបស់ខ្សែការពារ Ronald Araujo នៅតែបន្តការសង្ស័យ ដោយមានពាក្យចចាមអារ៉ាមជាច្រើនបានអះអាងថា ថ្មីៗនេះក្លឹបបិសាចក្រហម Manchester United បានធ្វើការទាក់ទងមក Barcelona ជុំវិញការពិភាក្សាមួយដែលអាចនាំយកកីឡាករឆ្នើមរូបនេះទៅទឹកដីអង់គ្លេស។
កាលពីប៉ុន្មានសប្ដាហ៍មុនក្លឹប Bayern Munich មានទំនាក់ទំនងយ៉ាងខ្លាំងជាមួយកីឡាករសញ្ជាតិអ៊ុយរូហ្គាយរូបនេះ ដោយពួកគេចង់ចុះហត្ថលេខាលើ Ronald Araujo នៅក្នុងខែមករា ដើមឆ្នាំនេះ។ ប៉ុន្តែទោះជាយ៉ាងណាក៏ដោយ Man United ក៏ចង់បានខ្សែការពារកណ្តាលរូបនេះដូចគ្នា (នេះបើយោងតាមអ្នកយកព័ត៌មាន Sky Sport លោក Florian Plettenberg បានអះអាង)។
Ronald Araujo បាននិយាយអំពីអនាគតរបស់គាត់ មុនពេលការប្រកួត Super Cup ជុំវិញការរំពឹងទុកថា គាត់អាចនឹងចាកចេញពីក្លឹបយក្សកាតាឡាន់។ ខ្សែការពាររូបនេះបានបដិសេធ ដោយចាត់ទុកវាគ្រាន់តែជាពាក្យចចាមអារ៉ាមប៉ុណ្ណោះ និងបានបន្ថែមទៀតថា គាត់ផ្តោតតែលើ Barcelona ដែលជាក្លឹបបច្ចុប្បន្នរបស់ខ្លួនប៉ុណ្ណោះ។
ថ្វីត្បិតតែបែបនេះក៏ដោយ Manchester United នៅតែត្រូវបានគេដឹងថា នឹងចង់ចំណាយប្រាក់ជាង 80 លានអឺរ៉ូ ដើម្បីចុះហត្ថលេខាលើ Ronald Araujo ស្របពេលដែលមានរបាយការណ៍មួយចំនួនទៀតបានលើកឡើងថា Barcelona មិនមានបំណងលក់កីឡាករឆ្នើមរបស់ខ្លួនរូបនេះឡើយ ហើយពួកគេក៏បានបដិសេធសំណើរជាទឹកប្រាក់ចំនួន 100 លានអឺរ៉ូ ពីក្លឹប Bayern Munich ដែលចង់ដាក់ដេញថ្លៃកីឡាករវ័យ 24 ឆ្នាំរូបនេះទៀតផង។
ប្រភព: Barcablaugranes
-
បាល់ទាត់អន្តរជាតិ2 days ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ1 day ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!
-
បាល់ទាត់អន្តរជាតិ1 day ago
Pep Guardiola ថា៖ ជម្រើសនៅពេលនេះមានតែមួយគត់ គឺត្រូវឈ្នះ Tottenham Hotspur