បាល់ទាត់អន្តរជាតិ
Barcelona ដាក់បញ្ចូលកូនប្រុសរបស់ Ronaldinho ឲ្យមកហ្វឹកហាត់ជាមួយក្រុមឈុតធំ
គ្រូបង្វឹករបស់ក្លឹបអ្នកមានបុណ្យ Barcelona លោក Xavi Hernandez បានដាក់បញ្ចូលខ្សែប្រយុទ្ធ Joao Mendes ដែលជាកូនប្រុសរបស់អតីតកីឡាករបាល់ទាត់ឆ្នើម Ronaldinho នៅក្នុងការហ្វឹកហាត់ជាមួយក្រុមឈុតធំជាលើកដំបូង (នេះបើផ្អែកតាមសេចក្ដីរាយការណ៍ដោយ Marca)។
យ៉ាងណាមិញខ្សែប្រយុទ្ធវ័យ 19 រូបនេះត្រូវបាន Barcelona កោះហៅឲ្យចូលក្រុមឈុតធំរបស់ក្លឹប ក្នុងអំឡុងពេលនៃការសម្រាករបស់លីគកំពូល La Liga ដែលកីឡាករផ្សេងៗរបស់ក្លឹបបានចាកចេញទៅបំពេញកាតាព្វកិច្ចឲ្យក្រុមជម្រើសជាតិ។ គួរដឹងផងដែរថា Mendes បានប្រកបអាជីព និងហ្វឹកហាត់ជាមួយឈុតយុវជនរបស់ Barcelona កាលពីឆ្នាំ 2023។
សម្រាប់ Joao Mendes អាចនិយាយបានថា ជាសំណាងមួយដែលគាត់មានឪពុកជាកីឡាករឆ្នើមបំផុតម្នាក់ក្នុងពិភពបាល់ទាត់ ហើយក៏ជាអតីតកីឡាករដែលធ្លាប់លេងឲ្យ Barcelona ផងដែរ។ Ronaldinho បានចំណាយពេលភាគច្រើនរបស់គាត់ជាមួយក្លឹប Barcelona (ពីឆ្នាំ 2003 ដល់ឆ្នាំ 2008) ដែលជាកន្លែងគាត់បានឈ្នះពានធំៗ និងលេចធ្លោរខ្លាំងបំផុតក្នុងអាជីពរបស់ខ្លួន។
ប្រភព: Telecomasia
-
បាល់ទាត់អន្តរជាតិ2 days ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ3 days ago
Cole Palmer ក្លាយជាកីឡាករវ័យក្មេងទី 3 ក្នុងប្រវត្តិសាស្ត្រ Premier League ដែលស៊ុតបញ្ចូលទីបានច្រើនជាង 20 គ្រាប់ក្នុងមួយរដូវកាល
-
បាល់ទាត់អន្តរជាតិ11 hours ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត