បាល់ទាត់អន្តរជាតិ
ក្លឹបកាំភ្លើងធំ Arsenal ត្រៀមដាក់សំណើរដេញថ្លៃយក Joao Felix
ក្លឹបកាំភ្លើងធំ Arsenal ត្រូវបានគេរាយការណ៍ថា បានចូលរួមក្នុងការប្រជែងមួយជាមួយក្លឹបផ្សេងៗទៀត ដើម្បីចុះហត្ថលេខាលើខ្សែប្រយុទ្ធរបស់ក្លឹប Atletico Madrid គឺកីឡាករ Joao Felix ។ កីឡាករសញ្ជាតិព័រទុយហ្គាល់រូបនេះ មានសេរីភាពក្នុងការចាកចេញពីក្រុមរបស់លោក Diego Simeone ក្នុងអំឡុងទីផ្សារដោះដូរកីឡាករខែមករាខាងមុខ ដោយក្លឹប Atletico Madrid ក៏មានចេតនាលក់រូបគាត់ដែរ។
យ៉ាងណាមិញក្លឹបបិសាចក្រហម Manchester United ត្រូវបានគេជឿជាក់ថា ជាក្លឹបមួយក្នុងចំណោមក្លឹបជាច្រើនទៀត ដែលមានគម្រោងច្បាស់លាស់ដើម្បីចុះហត្ថលេខាលើ Joao Felix នៅដើមឆ្នាំ 2023 ។ ដូចគ្នានេះដែរ Bayern Munich និង Paris Saint-Germain ក៏ចាប់អារម្មណ៍ខ្លាំងផងដែរចំពោះកីឡាករវ័យ 23 ឆ្នាំរូបនេះ។
ដោយឡែកអ្នកកាសែតអ៊ីតាលី Fabrizio Romano បានអះអាងថា ភ្នាក់ងាររបស់ Joao Felix លោក Jorge Mendes បច្ចុប្បន្នកំពុងពិភាក្សាជាមួយក្លឹបមួយចំនួន ហើយក្លឹប Atletico Madrid ចង់បានតម្លៃផ្ទេរលើសពី 100 លានអឺរ៉ូ (85.9 លានផោន) សម្រាប់ក្លឹបណាដែលចង់ទិញខ្សែប្រយុទ្ធរបស់ពួកគេ។ ទន្ទឹមនឹងនេះ យោងតាមរបាយការណ៍ពី AS បានលើកឡើងថា Joao Felix កំពុងពិភាក្សាយ៉ាងជិតដិតជាមួយ Manchester United និង PSG ប៉ុន្តែ Arsenal ក៏បានត្រៀមខ្លួនដើម្បីស្វែងរកលទ្ធភាពនៃការចុះហត្ថលេខាលើកីឡាករព័រទុយហ្គាល់រូបនេះដែរ។
ប្រភព: Sportsmole
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
