បាល់ទាត់អន្តរជាតិ
Joao Felix អាចនឹងខកខានការប្រកួត UCL ជើងទី 1 ទល់នឹងក្លឹប Napoli
ក្លឹបអ្នកមានបុណ្យ Barcelona បានប្រកាសមុនការប្រកួត La Liga របស់ពួកគេជាមួយ Osasuna កាលពីប៉ុន្មានថ្ងៃមុនថា ខ្សែប្រយុទ្ធស្លាប Joao Felix ត្រូវបានអវត្តមានដោយសាររបួសកជើង ក្នុងពេលហ្វឹកហាត់។ យ៉ាងណាកីឡាករខ្ចីជើងពី Atletico Madrid រូបនេះ ត្រូវបានគេរំពឹងថា នឹងអវត្តមានពីលើទីលានប្រហែល 1 ខែ ដើម្បីសម្រាកព្យាបាលរបួស (នេះបើយោងតាមរបាយការណ៍ដែលបានចុះផ្សាយដោយ ESPN)។
ប្រសិនបើ Joao Felix ត្រូវសម្រាកពីលើទីលានរយៈពេលយូរតាមការរំពឹងទុកបែបនេះមែន មានន័យថា គាត់ទំនងជាអាចនឹងខកខានការប្រកួតជើងទីមួយ ក្នុងវគ្គ 16 ក្រុមចុងក្រោយនៃក្របខណ្ឌ UEFA Champions League ដែលត្រូវជួបនឹងក្រុមម្ចាស់ផ្ទះ Napoli ជាក្លឹបម្ចាស់ជើងឯក Serie A កាលពីឆ្នាំមុន។
យ៉ាងណាមិញ ការប្រកួតជើងទី 1 រវាង Barcelona និង Napoli ត្រូវប្រកួតនៅថ្ងៃទី 22 ខែកុម្ភៈ។ របួសរបស់ Felix គឺជាដំណឹងអាក្រក់មួយរបស់ Barcelona ជាពិសេសពួកគេត្រូវជួប Napoli ដែលជាក្រុមខ្លាំងមួយរបស់អ៊ីតាលី។ បច្ចុប្បន្នក្រៅពី Joao Felix ក្លឹបយក្សកាតាឡាន់មានកីឡាករសំខាន់ៗដែលកំពុងរបួសផ្សេងទៀតផងដែរដូចជា Marc-Andre ter Stegen, Alejandro Balde, Gavi និង Raphinha ជាដើម។
ប្រភព: GOAL
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ3 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United