បាល់ទាត់អន្តរជាតិ
Kylian Mbappe ថា គាត់នឹងចាកចេញពីទឹកដីបារាំង លុះត្រាតែបានជួយក្លឹបឲ្យលើកពាន UCL ជាមុនសិន
ខ្សែប្រយុទ្ធ Kylian Mbappe របស់ក្លឹបយក្សបារាំង Paris Saint-Germain បានអះអាងថា គាត់រីករាយណាស់ក្នុងការបន្តជីវិតបាល់ទាត់ក្នុងទឹកដី Parc des Princes ហើយបានសារភាពថា គាត់អាចនឹងចាកចេញ ប្រសិនបើគាត់ទទួលបានជោគជ័យជាមួយនឹងពានរង្វាន់ UEFA Champions League នៅទីនេះ។
កីឡាករវ័យ 24 ឆ្នាំរូបនេះបានធ្វើឲ្យការពិភាក្សាអំពីទីផ្សារដោះដូរកីឡាកររយៈពេល 2,3 ឆ្នាំចុងក្រោយនេះ មានភាពរង្គោះរង្គើរជាខ្លាំង ខណៈដែលក្លឹបអធិរាជស Real Madrid កំពុងតែព្យាយាមអត់ធ្មត់ ដោយរងចាំវេលាមកដល់ ដើម្បីនាំយកគាត់ទៅកាន់ទឹកដី Santiago Bernabeu។
នៅចុងរដូវក្តៅឆ្នាំ 2021 ក្លឹបយក្សបារាំង PSG បានច្រានចោលសំណើរដ៏ធំសម្បើមមួយជាមួយនឹងចំនួនទឹកប្រាក់ 137 លានផោនពី Real Madrid សម្រាប់ការផ្ទេរ Mbappe ដែលនៅសល់កុងត្រាតែ 1 ឆ្នាំទៀតប៉ុណ្ណោះ។ ពេលនោះ PSG សុខចិត្តប្រឈមនឹងការខាតបង់ដ៏ធំមួយនេះ ដើម្បីបន្តការព្យាយាមបញ្ចុះបញ្ចូល Mbappe រហូតដល់ទីបំផុតខ្សែប្រយុទ្ធឆ្នើមរូបនេះ ព្រមបន្តកុងត្រាថ្មី 2 ឆ្នាំបន្ថែមទៀតរហូតដល់ឆ្នាំ 2025។
ថ្លែងទៅកាន់អ្នកសារព័ត៍មានបន្ទាប់ពី ក្លាយជាកីឡាករដែលមានគ្រាប់បាល់ច្រើនបំផុតប្រចាំប្រវត្តិសាស្ត្ររបស់ក្លឹបយក្សបារាំង PSG កីឡាករ Kylian Mbappe បានលើកឡើងថា៖ “សម្រាប់ខ្ញុំ វាជាសិទ្ធិផ្ទាល់ខ្លួនក្នុងការលេងនៅទីនេះ, ខ្ញុំមកពីទីក្រុងប៉ារីស ហើយលេងនៅ PSG គឺជារឿងដ៏ល្អមួយ។ ខ្ញុំបានមកដល់ តាំងពីពេលខ្ញុំនៅក្មេង ហើយខ្ញុំបានរីកចម្រើន និងមានភាពចាស់ទុំច្រើនទាំងនៅក្រៅទីលានតាំងពីពេលនោះមក។… ប្រសិនបើអនាគតទៅខ្ញុំឈ្នះ UEFA Champions League នោះខ្ញុំនឹងអាចចាកចេញទៅឆ្ងាយ។ ហើយសម្រាប់ពេលនេះ ខ្ញុំមិនគិតពីអ្វីក្រៅពីការធ្វើឲ្យ PSG សប្បាយចិត្តនោះទេ”។
ប្រភព: Sportsmole
-
បាល់ទាត់អន្តរជាតិ3 days ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ3 days ago
Unai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ2 days ago
PSG ត្រៀមចាយលុយ 100 លានអឺរ៉ូ ដើម្បីចុះហត្ថលេខាលើខ្សែការពាររបស់ក្លឹប Benfica