Connect with us

បាល់ទាត់អន្តរជាតិ

បែលហ្សិក លុត​ម្ចាស់​ផ្ទះ​អាឡឺម៉ង់ 3-2 បំបែក​កំណត់ត្រា​មិន​ធ្លាប់​ឈ្នះ​តាំង​ពី​ឆ្នាំ 1954

Published

on

ក្រុម​ជម្រើស​ជាតិ​អាឡឺម៉ង់ ដែល​​ជា​ក្រុម​ម្ចាស់​ផ្ទះ បាន​ចាញ់​ក្រោម​ថ្វី​ជើង​ក្រុម​ជម្រើស​ជាតិ​បែលហ្សិក​ក្នុង​លទ្ធផល 3-2 ក្នុង​ការ​ប្រកួត​មិត្តភាព​អន្តរជាតិ​កាល​ពី​រំលង​អាធ្រាត​យប់​មិញ​​នេះ។ នេះ​ជា​ការ​ឈ្នះ​លើក​ដំបូង​របស់​ក្រុម​ជម្រើស​ជាតិ​បែលហ្ស៊ិក ទៅ​លើ​អាឡឺម៉ង់គិត​ចាប់​តាំង​ពី​ឆ្នាំ 1954 មក។

ផ្នែក​មួយ​ដ៏​សំខាន់​នៃ​ជ័យ​ជំនះ និង​គ្រាប់​បាល់​ទាំង 3 គ្រាប់​របស់​បែលហ្សិក គឺ​កើត​ចេញ​ពី​ខ្សែបម្រើ​ឆ្នើម Kevin de Bruyne ខណៈ​ដែល​គាត់​បាន​រួម​ចំណែក Assists 2 គ្រាប់ និង​ស៊ុត​បញ្ចូលទី 1 គ្រាប់។ គ្រាប់​បាល់​បើក​ឆាក​នៅ​ក្នុង​ការ​ប្រកួត គឺ​ស៊ុត​បញ្ចូលទី​ដោយ​ខ្សែប្រយុទ្ធ​ស្លាប Yannick Carrasco នៅ​នាទីទី 6 មុន​ពេល Romelu Lukaku ដាក់​ថែម​មួយ​គ្រាប់​ទៀត​នៅ​នាទីទី 9 និង​គ្រាប់​បាល់​ចុង​ក្រោយ​ស៊ុត​បញ្ចូលទី​ដោយ Kevin de Bruyne នៅ​នាទីទី 78។

ដោយ​ឡែក​ទម្រង់​លេង​មិន​សូវ​ល្អ​របស់​ក្រុម​ជម្រើស​ជាតិ​អាឡឺម៉ង់ បាន​ធ្វើ​ឲ្យ​ពួក​គេ​ចាញ់​ការ​ប្រកួត និង​វាយ​បក​ត្រឹមតែ 2 គ្រាប់​ប៉ុណ្ណោះ ដោយ​មួយ​គ្រាប់​ជា​ការ​ស៊ុត​បាល់​ពិន័យ​ប៉េណាល់ទី​នៅ​នាទីទី 44 ដោយ Niclas Fullkrug និង​មួយ​គ្រាប់​ទៀត​ដោយ​ខ្សែ​ប្រយុទ្ធ​ស្លាប Serge Gnabry នៅ​នាទីទី 47។

ប្រភព: Sportskeeda

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២