Connect with us

បាល់ទាត់អន្តរជាតិ

Scott McTominay ស៊ុត 2 គ្រាប់​ម្នាក់​ឯង ជួយ​ស្កុតឡែន​ឈ្នះ​អេស្ប៉ាញ 2-0

Published

on

ខ្សែបម្រើ​របស់​បិសាចក្រហម Scott McTominay បាន​ស៊ុត​បញ្ចូលទី 2 គ្រាប់​ម្នាក់​ឯង សម្រាប់​ការ​ប្រកួត​របស់​ស្កុតឡែន ជាមួយ​ក្រុម​ភ្ញៀវ​អេស្ប៉ាញ ដែល​ជា​កំណត់ត្រា​ជ័យ​ជំនះ​ដ៏​អស្ចារ្យ​ក្នុង​លទ្ធផល 2-0 ក្នុង​ការ​ប្រកួត​ជម្រុះ Euro 2024 នៅ​ពូល A ធ្វើ​ឡើង​នៅ​កីឡដ្ឋាន Hampden Park កាល​ពី​រំលង​អាធ្រាត​យប់​មិញ​នេះ។

យ៉ាង​ណា​មិញ នេះ​គឺ​ជា​ជ័យ​ជំនះ​លើក​ដំបូង​របស់​ក្រុម​ជម្រើស​ជាតិ​ស្កុតឡែន ទៅ​លើ​អេស្ប៉ាញ គិត​ចាប់​តាំង​ពី​ឆ្នាំ 1984 មក។ ក្រុម​ម្ចាស់​ផ្ទះ​​ស្កុតឡែន បាន​ចាប់​ផ្ដើម​យុទ្ធនា​ការ​នៃ​ការ​ប្រកួត​ជម្រុះ​ក្នុង​ពូល​ដ៏​ល្អ ដោយ​បាន​យក​ឈ្នះ 2 ប្រកួត​ជាប់​គ្នា ខណៈ​ដែល​កាល​ពី​ប្រកួត​មុន​ពួក​គេ​បាន​យក​ឈ្នះ​ក្រុម​ជម្រើស​ជាតិ Cyprus ក្នុង​លទ្ធផល 3-0។

បច្ចុប្បន្ន​ក្រុម​ជម្រើស​ជាតិ​ស្កុតឡែន កំពុង​ឈរ​នៅ​កំពូល​តារាង​ក្នុង​ពូល A ដោយ​មាន 6 ពិន្ទុ ហើយ​អេស្ប៉ាញ​ជា​ក្រុម​លេខ 2 ដែល​មាន 3 ពិន្ទុ។ ក្រៅ​ពី​ភាព​ជោគជ័យ​របស់​ក្រុម​ជម្រើស​ជាតិ ខ្សែបម្រើ Scott McTominay បាន​បង្ហាញ​ខ្លួន​ជា​មួយ​នឹង​ភាព​លេចធ្លោរ​យ៉ាង​ខ្លាំង ដោយ​គាត់​ស៊ុត​បញ្ចូលទី​បាន​រហូត​ដល់ 4 គ្រាប់ ក្នុង​ចំណោម 5 គ្រាប់ នៃ​ការ​ប្រកួត​ចំនួន 2 លើក​នៃ​ក្រុម​ជម្រើស​ជាតិ​របស់​ខ្លួន។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២