បាល់ទាត់អន្តរជាតិ
Arsenal ត្រៀមចាយលុយ 40 លានអឺរ៉ូ លើខ្សែបម្រើមួយរូបរបស់ Lazio នៅរដូវក្ដៅនេះ
ក្លឹបកាំភ្លើងធំ Arsenal ត្រូវបានគេរាយការណ៍ថា នឹងមានភាគរយខ្ពស់ ក្នុងការទិញយកខ្សែបម្រើ Sergej Milinkovic-Savic របស់ក្លឹប Lazio ក្នុងតម្លៃ 40 លានអឺរ៉ូ (35 លានផោន) ក្នុងអំឡុងពេលទីផ្សារដោះដូរកីឡាករនារដូវក្តៅខាងមុខនេះ។ កីឡាករវ័យ 28 ឆ្នាំរូបនេះ កំពុងត្រូវបានគេមើលឃើញថា នឹងចាកចេញពីទឹកដីអ៊ីតាលីនៅពេលចប់រដូវកាល ស្របពេលដែលកុងត្រារបស់ខ្លួននឹងផុតកំណត់ចុងបញ្ចប់នៃរដូវកាលឆ្នាំ 2024។
យោងតាមការអះអាងរបស់ Calciomercato បានឲ្យដឹងថា ក្លឹបបច្ចុប្បន្ន Lazio នៅតែព្យាយាមចរចាលើកុងត្រាថ្មីជាមួយ Milinkovic-Savic ប៉ុន្តែកីឡាកររូបនេះ និងអ្នកតំណាងរបស់គាត់មិនបានអើពើលើរឿងនេះឡើយ ហើយកំពុងរៀបចំផែនការសម្រាប់ការចាកចេញនៅចុងបញ្ចប់នៃរដូវកាលនេះផងដែរ។
របាយការណ៍ពី Calciomercato ដដែលនេះដែរ ក៏បានអះអាងថា Arsenal ពិតជាបានចាប់អារម្មណ៍យ៉ាងខ្លាំងចំពោះកីឡាករសញ្ជាតិស៊ែប៊ីរូបនេះ ហើយពួកគេត្រៀមនឹងចុះហត្ថលេខាលើគាត់ក្នុងតម្លៃ 40 លានអឺរ៉ូ ដែលជាតម្លៃទាបជាងកាលពីឆ្នាំមុន។ ទន្ទឹមនឹងនេះដែរ Manchester United និង Real Madrid ក៏ជាក្លឹបដែលត្រៀមនឹងប្រជែងជាមួយ Arsenal លើការផ្ទេរតារាឆ្នើមរបស់ Lazio រូបនេះដែរ។
ប្រភព: Sportsmole
-
បាល់ទាត់អន្តរជាតិ3 days ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ3 days ago
Unai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ2 days ago
PSG ត្រៀមចាយលុយ 100 លានអឺរ៉ូ ដើម្បីចុះហត្ថលេខាលើខ្សែការពាររបស់ក្លឹប Benfica