Connect with us

បាល់ទាត់អន្តរជាតិ

Chelsea កំពុង​ពិចារណា​ទិញ​ផ្ដាច់​កុងត្រា​របស់ Joao Felix ពី​ក្លឹប Atletico Madrid

Published

on

ក្លឹប​តោខៀវ Chelsea ត្រូវ​បាន​គេ​រាយការណ៍​ថា ចង់​ចុះហត្ថលេខា​ទិញ​ផ្ដាច់​កុងត្រា​របស់​កីឡាករ​ខ្ចី​​ជើង Joao Felix នៅ​ចុង​បញ្ចប់​នៃ​រដូវកាល​នេះ ខណៈ​បច្ចុប្បន្ន​ខ្សែ​ប្រយុទ្ធ​រូប​នេះ​​ជា​កម្មសិទ្ធិ​របស់​ក្លឹប Atletico Madrid។ យ៉ាង​ណា​មិញ Felix បាន​ចុះ​ហត្ថលេខា​ជាមួយ​តោខៀវ Chelsea នៅ​ក្នុង​អំឡុង​ទីផ្សារ​ដោះដូរ​កីឡាករ​កាល​ពី​ខែ​មករា​កន្លង​ទៅ ដោយ​ចូលរួម​ជាមួយ​នឹង​លក្ខខណ្ឌ​ខ្ចីជើង​រហូត​ដល់​ចុង​បញ្ចប់​នៃ​រដូវកាល 2022-2023 នេះ។

ទោះ​បី​ជា​ខ្សែប្រយុទ្ធ​រូបនេះ​រក​បាន​គ្រាប់បាល់​ត្រឹមតែ 2 គ្រាប់ ក្នុង​ការ​បង្ហាញ​ខ្លួន 12 ប្រកួត​របស់​តោខៀវ Chelsea ក៏​ដោយ ប៉ុន្តែ​គាត់​មាន​ទម្រង់​លេង​គួរ​ឲ្យ​ចាប់​អារម្មណ៍​យ៉ាង​ខ្លាំង ចាប់តាំង​ពី​ការ​មក​ដល់ Stamford Bridge ជា​ពិសេស​គាត់​លេង​បាន​ល្អ​ជាង Mykhailo Mudryk ដែល​ក្លឹប​តោខៀវ​បាន​ចំណាយ​លុយ​ខ្ពង់ 62 លានផោន​ទៅ​ទៀត។

ថ្វី​ត្បិត​តែ Joao Felix បាន​ខ្ចី​ជើង​ទៅ​តោខៀវ Chelsea ពិត​មែន ប៉ុន្តែ​កីឡាករ​សញ្ជាតិ​ព័រទុយហ្គាល់​រូប​នេះ នៅ​មាន​កុងត្រា​ជាមួយ Atletico Madrid រហូត​ដល់​ខែ​មិថុនា ឆ្នាំ 2027។ យោងតាម​របាយការណ៍​ពី​លោក Fabrizio Romano បាន​ឲ្យ​ដឹង​ថា ក្លឹប​តោខៀវ Chelsea កំពុង​រៀបចំ​ផែនការ​សម្រាប់​អនាគត​ដ៏​វែងឆ្ងាយ ហើយ​ពួក​គេ​ចង់​បញ្ចូល Joao Felix នៅ​ក្នុង​គម្រោង​នោះ​ដែរ។ ក្រុម​ប្រឹក្សា​ភិបាល​របស់​ក្លឹប Chelsea សប្បាយ​ចិត្ត​ជាមួយ​នឹង​ការ​រីកចម្រើន​របស់​គាត់​នៅ​ក្លឹប ហើយ​ជា​លទ្ធផល ពួកគេ​នឹង​ចំណាយ​ប្រាក់​មួយ​ចំនួន​ធំ​នៅ​រដូវក្តៅ​នេះ។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២