បាល់ទាត់អន្តរជាតិ
Xavi ចង់ឲ្យ Araujo និង Lewandowski ឡើងធ្វើកាពីតែនក្រុមនៅរដូវកាលក្រោយ
ក្លឹបអ្នកមានបុណ្យ Barcelona នឹងមានប្រធានក្រុមថ្មីនៅឆ្នាំក្រោយ ដោយសារកាពីតែនក្រុមចាស់ Sergio Busquets បានចាកចេញពីក្លឹបនៅចុងបញ្ចប់នៃរដូវកាលនេះ។ ទាំង Sergio Busquets និង Jordi Alba សុទ្ធតែចាកចេញពី Camp Nour ហើយច្បាស់ណាស់ថា ក្លឹបយក្សកាតាឡាន់នឹងត្រូវស្វែងរកបេក្ខភាពប្រធានក្រុមថ្មី។
យោងតាមរបាយការណ៍ពីប្រទេសអេស្ប៉ាញបានឲ្យដឹងថា គ្រូបង្វឹកលោក Xavi Hernandez បាននិយាយជាមួយ Ronald Araujo និង Robert Lewandowski រួចហើយអំពីតួនាទីជាកាពីតែនក្រុមថ្មី ហើយគ្រូបង្វឹកសញ្ជាតិអេស្ប៉ាញរូបនេះគិតថា កីឡាករទាំងពីរនេះ គឺជាបេក្ខភាពដ៏សាកសមបំផុតក្នុងការស្នងតំណែងរបស់ Sergio Busquets។
កីឡាករដែលត្រូវបានតែងតាំងជាកាពីតែនក្រុម គឺជាកិត្តិយសមួយ ហើយក៏ជាកីឡាករដែលមានភាពចាស់ទុំនៅលើទីលានប្រកួតផងដែរ និងជាពិសេសមានភាពជាអ្នកដឹកនាំនៅក្នុងក្រុម។ របាយការណ៍មួយផ្សេងទៀតបានអះអាងថា Sergi Roberto នឹងក្លាយជាប្រធានក្រុមថ្មីនៅរដូវកាលក្រោយ។ ខ្សែបម្រើ Sergi Roberto ត្រូវបានគេរំពឹងថា នឹងទទួលបានស្លាបកាពីតែនក្រុមពី Busquets ប៉ុន្តែបញ្ហារបស់គាត់នោះគឺ មិនសូវបានលេងក្នុងជម្រើស 11 នាក់ដំបូងជាមួយក្រុម។
ប្រភព: Barcablaugranes
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
