បាល់ទាត់អន្តរជាតិ
Aguero ថា Barcelona មិនបានព្យាយាមឲ្យអស់ពីលទ្ធភាព ដើម្បីនាំយក Messi ត្រឡប់មកវិញឡើយ
អតីតខ្សែប្រយុទ្ធឆ្នើម Sergio Aguero បានរិះគន់ចំៗទៅលើអតីតក្លឹប Barcelona របស់ខ្លួនថា មិនបានព្យាយាមឲ្យអស់ពីលទ្ធភាពដើម្បីចុះហត្ថលេខានាំយក Lionel Messi មកវិញ នៅរដូវក្ដៅនេះឡើយ។ យ៉ាងណាមិញ Messi ពិតជាមានបំណងចង់ត្រឡប់ទៅអតីតក្លឹបចាស់របស់គាត់វិញ ហើយឪពុករបស់គាត់បានពិភាក្សាជាមួយប្រធានក្លឹបលោក Joan Laporta អំពីរឿងនេះផងដែរ។
ទោះជាយ៉ាងណាក៏ដោយ កីឡាករដែលអ្នកគាំទ្ររបស់ Barcelona ចាត់ទុកថា ជាស្ដេចពពែនោះ មិនបានត្រឡប់ទៅ Camp Nou ដូចការរំពឹងទុកនោះទេ ហើយជំនួសវិញដោយការផ្ទេរទៅកាន់ Inter Miami។ នេះជាការសម្រេចចិត្តរបស់ Messi ខណៈដែល Barcelona បានបង្ហាញថា នៅតែមានឧបសគ្គជាច្រើន ទើបមិនអាចចុះហត្ថលេខាលើតារាឆ្នើមអាហ្សង់ទីនរូបនេះបាន។
ទាក់ទងនឹងរឿងនេះដែរ មិត្តជិតស្និទ្ធិបំផុតរបស់ Messi គឺ Sergio Aguero បានចាត់ទុកថា ទង្វើរបស់ Barcelona មិនគ្រប់គ្រាន់ និងខិតខំឲ្យអស់លទ្ធភាពរបស់ខ្លួន ដែលចង់បាន Messi មកវិញនោះឡើយ។ គាត់បានប្រាប់ ESPN ថា៖ “Barcelona មិនបានធ្វើអ្វីៗគ្រប់គ្រាន់ សម្រាប់ការវិលត្រឡប់របស់ Messi វិញទេ។ មានបញ្ហាជាមួយ La Liga និងស្ថានភាពសេដ្ឋកិច្ចផងដែរ។ Messi បានធ្វើការសម្រេចចិត្តត្រឹមត្រូវ ដោយមិនរង់ចាំរហូតដល់វិនាទីចុងក្រោយ ដូចនៅឆ្នាំ 2021″។
ប្រភព: Barcablaugranes
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
ខ្សែប្រយុទ្ធដ៏ឆ្នើមរបស់ Dortmund បំបែកកំណត់ត្រារបស់ Salah នៅ UCL
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
