ប៉េណាល់ទី​ឈ្នះ​មួយ​គ្រាប់​ទៅ​លើ​ក្រិក Kylian Mbappe បំបែក​កំណត់​ត្រា​ពិសេស​មួយ

ខ្សែប្រយុទ្ធ​របស់​ក្លឹប​យក្ស​បារាំង Paris Saint-Germain និង​ជា​កីឡាករ​របស់​ក្រុម​ជម្រើស​ជាតិ​បារាំង Kylian Mbappe ត្រូវ​បាន​ចារ​ក្នុង​ប្រវត្តិសាស្ត្រ​ថ្មី​មួយ​ទៀត​ហើយ បន្ទាប់​ពី​គាត់​បាន​ស៊ុត​បញ្ចូលទី​មួយ​គ្រាប់​ក្នុង​ជ័យ​ជម្នះ 1-0 ទៅ​លើ​ក្រុម​ជម្រើស​ជាតិ​ក្រិក ក្នុង​ការ​ប្រកួត Euro 2024 វគ្គជម្រុះ​ពូល B នៅ​កីឡដ្ឋាន Stade de France។

យ៉ាង​ណា​មិញ​ក្រុម​របស់​លោក Didier Deschamps នៅ​តែ​មាន​ទម្រង់​លេង​ដ៏​ល្អ​ប្រសើរ​ចាប់​តាំង​ពី​ការ​ប្រកួត​វគ្គ​ផ្ដាច់ព្រ័ត FIFA World Cup 2022 ដែល​ពួក​គេ​បាន​ចាញ់​ក្រុម​ពពកសរ​អាហ្សង់ទីន។ បួន​ប្រកួត​ចុង​ក្រោយ​របស់​ក្រុម​មាន់គក​បារាំង មិន​ស្គាល់​ចាញ់​ទាល់​តែ​សោះ ជាមួយ​នឹង ហ្គីប្រាលតា, ហូឡង់, សាធារណរដ្ឋ​អៀរឡង់ និង​ចុង​ក្រោយ​គឺ​ក្រិក​នេះ​ឯង។

ក្រៅ​ពី​ភាព​ខ្លាំង​របស់​ក្រុម​ជម្រើស​ជាតិ Kylian Mbappe ដែល​ជា​ខ្សែ​ប្រយុទ្ធ​ឆ្នើម និង​មាន​តួនាទី​ជា​កាពីតែន​ក្រុម​ផង​នោះ បាន​រួម​ចំណែក​ដ៏​ធំ​ក្នុង​ដំណើរ​ផ្សងព្រេង​កន្លង​មក​របស់​ក្រុម​ជម្រើស​ជាតិ។ ដូចគ្នា​នេះ​ដែរ ក្រោយ​ស៊ុត​បាន​មួយ​គ្រាប់​តាម​រយៈ​បាល់ប៉េណាល់ទី​ទៅ​លើ​ក្រិក Mbappe បាន​បំបែក​កំណត់ត្រា​ដោយ​ក្លាយ​​ជា​កីឡាករ​បារាំង​ដែល​រក​បាន​គ្រាប់​បាល់​ច្រើន​ជាង​គេ​បំផុត​សម្រាប់​ក្លឹប និង​ប្រទេស​ក្នុង​មួយ​រដូវ​កាល ដោយ​ស៊ុត​បាន 54 គ្រាប់ ​លើស​ពី​អតីត​វីរបុរស Just Fontaine ដែល​មាន​គ្រាប់​សរុប​ចំនួន 53 គ្រាប់ កាល​ពី​​ឆ្នាំ 1957-1958។

ប្រភព: Sportsmole